Jirimiạ 25:27 - সান্তালী বাইবেল

²⁷ Ona tayom Probhu Isor do ińe metadińa, “Onkom metakoa, Israelkoren Isor phạdkoren Probhui meneda, ‘ape talare iń do lạṛhạiyiń koleda; ape do ińakʼ edreteakʼ bạṭi khon ńũiype, bul bhuteṛokʼpe, bejpe, sombodokʼpe ar alope beretʼa.’

Jirimiạ 25:27 Referans Kwoze

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Jirimiạ 25:16

Onko do ona ńũkateko konḍe manḍekʼa ar okaṭakʼ lạṛhại onko talareń kol ona iạteko lelha cabakʼa.

Rak̕joṅ 4:21

Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Jesaea 51:21

Onate E am nacaricʼ, niạ katha ańjomme. Am dom bul ocoakana, menkhan darkha rasate do baṅa.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jirimiạ 12:12

Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jesaea 63:6

Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Jirimiạ 13:13

Enḍekhan onkom metakoa, Probhu Isore meneda, ‘okoe niạ disạmreko girobasokʼ kan, metakʼme Dạudakʼ siṅghạsonre duṛupʼ akan sanam rapajko, naekeko, nạbiko ar Jerusalemre girobasokʼ kan jotoge iń doń bul ocokoa.

Jirimiạ 22:10

Gocʼ akan raj lạgitʼ do alope rakʼ homora; ona khon bickom bondikate okoe sạṅgińteye idi ocoakan uni lạgitʼ rakʼ homorpe, ente uni do tishõ ar bae ruạṛ hijukʼa se acʼakʼ janam disạm hõ ar bae ńelńama.

Jirimiạ 51:39

Onkoko jaljalaolenre iń do mitʼṭecʼ bhojiń teara. Ar onkoń bul ocokoa jemonko rạskạ daṛeakʼ, ar ona tayom do jaejug lạgitʼko jạpitʼjoṅa, ar tisge bako ebhenokʼa.

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Nạhum 3:11

E Niniwi, am hõ bul bhuteṛkatem kunḍlạṅ hapekokʼa; ar bạiriko khon okokʼ lạgitʼ asrayem sendrajoṅa.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”