Jirimiạ 25:22 - সান্তালী বাইবেল

²² Tur ar Sidonren sanam rapajko; doreão hanasaren rapajko;

Jirimiạ 25:22 Referans Kwoze

Jirimiạ 47:4

Philisṭikoren sanamko maraokʼ reakʼ din, Tur ar Sidonren mitʼke mitʼ sarecʼ gokʼṛokoakʼ gocʼ ocokʼ reakʼ din do seṭer akana. Iń Probhu Isorge Philisṭikoakʼ, metakʼme Kaphtor dip khon hecʼakan hoṛkoń maraokoa.

Jeheskel 32:30

“Onḍe do utạr secʼren disạm cakʼlaoko menakʼkoa, onko sanamkoge ar Sidonren sanamkoge, one onko gocʼ ocoakanko tulucʼ lajao salakʼko pheḍ senakan, okoakʼ birbao daṛete sanam torasko hoyocoakatʼ tahẽkanre hõ, onko do bin khatnage tarwaṛete gur akanko tulucʼko giticʼakana, ar khandṛaṅte pheḍ calakʼkanko tulucʼ akoakʼ lajaoko dipil akatʼtakoa.

Jeheskel 29:18

“E manwa hopon, Babelren raj Nebukadnesar do Tur upạrte lạṛhại jokhecʼ acʼren lạṛhại phạdko nunạkʼe khaṭaoletʼkoa je, onko sanamkoakʼ bohokʼ do ceḍelentakoa ar taren reakʼ harta hõ poṭakʼ cabalentakoa. Enhõ Tur upạrte okaṭakʼe lạṛhạilen onate uni ar acʼren lạṛhại phạdkoakʼ do cetʼ labge baṅ hoylentakoa.

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 27:3

Ona tayom okoeko paṭhaona do Edomren raj, Moabren raj, Amonren raj, Turren raj ar Sidonren raj ṭhen khon Jerusalemte Jihudạren raj Sedekiạ ṭhenko hecʼakan onko hotete sanam rapajko ṭhen khoborem kola.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 23:4

E Sidon, lajaokʼme, ente jalapuri, ona jalapuri reakʼ gaṛ do niạ kathae meneda, “Iń do bedon baṅ rakapʼ akawạdińa, ar janam hõ bạń janam akatʼkoa. Iń do juạn koṛako bạń ạsul hara akatʼkoa ar juạn kuṛiko hõ bạń joton akatʼkoa.”

Jesaea 23:15

Ona jokhecʼ mitʼṭen rajakʼ dinko leka, metakʼme eaegel bochor hạbicʼ Tur doe hiṛiń ocokʼa. Menkhan eaegel bochor purạulen khan Tur do kusumbi kuṛiyakʼ sereń lekae hoyokʼa.

Jeheskel 39:6

Magogre ar okoe do sạṅgiń disạmkore khạtirjomako girobasokʼ kan onko cetanre do seṅgeliń kola; ar onateko baḍae daṛeakʼa, ińkangeạń Probhu Isor do.

Jeheskel 27:27

Amakʼ maraokʼ reakʼ dinre amakʼ dhon-durib, amakʼ bạnij reakʼ jinisko, eṭakʼ eṭakʼ jinisko, amren jahaj cakʼlaoko, jujut akʼroko, amren bạnij-bekʼpariko ar amren sanam lạṛhại phạdko ar amreko tahenkan eṭakʼ sanamko hõ jalapuri talareko unum gujukʼa.

Jeheskel 28:1

Probhu Isor do ińe metadińạ,

Jeheskel 28:20

Probhu Isor do ińe metadińạ,

Jeheskel 28:21

“E manwa hopon, am do Sidon secʼ samaṅkate uni upạrte nạbi katha roṛme,