Jirimiạ 25:20 - সান্তালী বাইবেল

²⁰ onḍe tahenkan sanam bidisiạko; Kus disạmren sanam rapajko; Philisṭiren sanam rapajko, metakʼme Askelon, Gasa, Ekron ar Asdodren sarecʼkoren rapajko;

Jirimiạ 25:20 Referans Kwoze

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jeheskel 30:5

Kus, Puṭ, Lud ar sanam Arob disạm, Kub ar gate disạmren hoṛko do lạṛhạire Misorrenko sãoteko gujukʼa.

Rak̕joṅ 4:21

Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Jirimiạ 50:37

Uniren sanam sadomko, rãt gạḍiko ar bidisiạ lạṛhại phạdko upạrte hõ tarwaṛe menakʼgea; onko do maejiu lekako nijorokʼa. Uniyakʼ dhon duribko upạrte hõ tarwaṛe menakʼgea; onako do luṭ idikʼtaea.

Jesaea 20:1

Ạsurren raj Sargon do acʼren maraṅ subedar oka bochor Asdodteye kollede uni subedar do senkate ona upạrteye lạṛhạiyente onae hatkeda.

Jirimiạ 25:24

Arabren sanam rapajko; hahaṅkarre girobasokʼ kan sanam bidisiạ rapajko;

Exodus 12:38

Israelko chaḍa arhõ aema hoṛ ar ḍaṅgrako-bhiḍiko sudhạ mitʼṭen maraṅ mĩhũ-merom palko hõ onko sãoteko tahẽkana.

1 Bõsbudạ 1:17

Shemren hoponko doko hoyokʼ kana Elam, Ạsur, Arpaksad, Lud, Aram, Us, Hul, Gether ar Mesek.

1 Samuel 6:17

Probhu ńutumte dos-samaṅokʼakʼ lekate Philisṭiko do okako nagrahako khon mitʼṭecʼkate sona reakʼ ojoko kolletʼ tahẽkan onako do hoyokʼ kana Asdod, Gasa, Askilon, Gad ar Ekron.

Genesis 22:21

Nahorren maraṅicʼ hoponakʼ ńutum do Us. Ar ona tayom do Bus ar Kemuelakʼ janam hoyena. Kemuelren hoponakʼ ńutum do Aram tahẽkana.

Genesis 10:23

Aramren hoponko doko hoyokʼ kana, Us, Hul, Gether ar Mesek.

Bikʼcạrko 1:18

Jihudạ gusṭiren hoṛko do Gasa, Askelon ar Ekron nagraha ar onako aḍepase reakʼ jaegako hatkeda.

Jirimiạ 27:3

Ona tayom okoeko paṭhaona do Edomren raj, Moabren raj, Amonren raj, Turren raj ar Sidonren raj ṭhen khon Jerusalemte Jihudạren raj Sedekiạ ṭhenko hecʼakan onko hotete sanam rapajko ṭhen khoborem kola.