Jirimiạ 25:15 - সান্তালী বাইবেল

¹⁵ Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

Jirimiạ 25:15 Referans Kwoze

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Jobakʼ 21:20

Uni do acʼakʼ mẽtʼte acʼakʼ maraokʼe ńelma; uni do sanam daṛeanicʼakʼ edre baṛeye ńũima.

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Johan sodor 14:19

Unre uni serma goḍet do dhạrtire acʼakʼ datrome calaokeda ar dhạti reakʼ darkha nạ̃ṛĩ khon joto darkha jo getʼkateye jarwakeda. Ar tayomte onako do darkha lelen kunḍreye bhoraokeda. Noa darkha jo roḍocʼ reakʼ kunḍ do Isorakʼ botoranakʼ edre kana.

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sereńko 60:3

Amren hoṛko do akalem ńel ocoakatʼkoa; ar nonkan darkha nạ̃ṛĩ reakʼ rasam ńũ ocoakatʼlea onate ale do bul hoṛko lekale taṛameda.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Jirimiạ 46:1

Jirimiạ nạbi ṭhen eṭakʼ eṭakʼ jạtrenko reaṅ Probhu Isorakʼ katha.

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Jeheskel 23:32

“Iń Probhu Isorgeń menetʼkana, amren boeham kuṛiyakʼ bạṭiregem ńũiya; ente ona do khạ̃yukʼ ar lạṭugea. Ar onare ḍherge sahobokʼte am do ona ńũkate hirkhạwan ar landa dhutʼicʼem hoyokʼa.

Jeheskel 23:33

Am do botor ar maraokʼakʼ bạṭi khonem ńũite, amren boeham kuṛi Samariawakʼ bạṭi khon ńũkatem bulokʼa ar duktem perejokʼa.

Jeheskel 29:12

Jarkhar akan disạmko modre Misor disạm reakʼ dosa do artetʼ kharapiń hoeocoya; ar dhaṅdhaser akan nagrahako modre uniyakʼ nagrahako do pongel bochor hạbicʼ artetʼge bạṛicʼ hoyokʼa. Ar Misorrenko do jạt jạtrenko ar disạmko talareń chirchạturkoa.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.

Obodiạ 1:16

Ińakʼ sonot burure cetʼleka bubulakʼem ńũletʼ onkage sanam jạtrenko do jaoge ińakʼ edre reakʼ bubulakʼko ńũiya; onko do ona jojomtegeko tahena ar purạteko caba utạrokʼa.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Sereńko 75:9

Menkhan iń do jaejug Isor reaṅiń porcara ar Jakobren Isorakʼ iń sarhao sereńaea.

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”