Jirimiạ 25:11 - সান্তালী বাইবেল

¹¹ Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.

Jirimiạ 25:11 Referans Kwoze

Sakariạ 1:12

Unre Probhu Isorren goḍete menkeda, “E phạdkoren Probhu Isor, am do Jerusalem ar Jihudạ reakʼ eṭakʼ nagrahako cetanre nõkʼõe eaegel bochor raṅgao akanem tahẽkana ar tinạkʼ din onkore begor mãyãtem tahena?”

Sakariạ 7:5

“Am do disạmren sanam hoṛ ar naekekom metakoa, ‘ape do eaegel bochor khon mõṛẽ ar eaeakʼ candore okape homor halaṅetʼ tahẽkan arpe upạsetʼ tahẽkan ona do Probhu Isor ńutumte do bape onka akada.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Jirimiạ 4:27

Probhu Isore meneda, “Goṭa disạmge ujạṛokʼa, menkhan purạ puri do bạń marao utạra.

Levitikus 26:32

Apeakʼ disạm do nonkań jarkhara ona ńelte aperen bạiriko hõ botorteko keklesedokʼa.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jirimiạ 28:14

Iń Israelren phạdkoren Probhu Isorgeń meneda, noko jạtrenko jemon Babelren raj Nebukadnesarren golamko hoyokʼ onate onkoakʼ tarenre mẽṛhẽtʼ reakʼ arãṛ iń ladeakoa, ar onko do uniko sapʼsoraea. Ar uni do bir janwarko cetanre hõ ektiạriń emaea.’ ”

Jirimiạ 29:10

“Babel reaṅ eaegel bochor reakʼ okaṭakʼ katha roṛakan ona purạulen khan iń do apeń moneyapea; ar okaṭakʼ bhạlạipe reakʼ iń gokʼ akawatʼpe onań purạua, metakʼme noa ṭhạ̃iteń ạgu ruạṛpea.

Jirimiạ 43:10

Ona tayom onkom metakoa, Israelren phạdkoren Probhu Isore meneda, ‘ińren guti Babelren raj Nebukadnesar iń hoho ạguiyea ar okaṭakʼ dhiri nonḍeń oko dohoakatʼ ona cetanre uniyakʼ siṅghạsoniń bạisạua; ar ona cetanre uni do acʼakʼ raj tạmbui pasnaotaea.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

2 Bõsbudạ 36:20

Okoe gujukʼ ti khon rukhiyạko ńamketʼ onko do Babelteye idiketʼkoa, ar Paras reakʼ raj ạuri teṅgokʼ hạbicʼ onko do Nebukadnesar raj ar uniren hoponkoren golamko hoyena.

Jirimiạ 4:26

Beṅgetʼkateń ńelkeda Probhu Isor samaṅre, uniyakʼ botoranakʼ edre samaṅre disạm do hahaṅkar hoyakana; uniyakʼ sanam nagrahako do dhaṅ dhaser akana.

Jirimiạ 25:38

Uni do dhạcri kul leka acʼakʼ ṭhạ̃i bạgikateye oḍok hijukʼa; onate sasantaokoakʼ raṅgao iạte ar Probhu Isorakʼ jolokʼkan edre iạte onkoakʼ disạm do jarkhar cabakʼa.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jeheskel 6:14

Israelko do jãhãregeko girobasokʼ iń do onko upạrte ińakʼ tiń calaoa ar hahaṅkar ṭoṭha khon Dibala hạbicʼ goṭa disạmge ujạṛakʼ ar dhaṅ dhaserakʼ iń hoeocoya. Unre onkoko baḍae daṛeakʼa, ińkangeạń Probhu Isor do.”

Jeheskel 12:19

Ar disạmren hoṛkom metakoa, Israel disạm reakʼ Jerusalemren hoṛko reaṅ Probhu Isor doe meneda, ‘onko do botor botorte akoakʼ jomakʼko joma ar nisạsate dakʼko ńũiya, ente onḍenko hoṛkoakʼ santao khạtirte onkoakʼ disạm do ujạṛokʼa.

Jeheskel 29:11

Ar ona talate do cele manwa se janwar hõ bako sen paromokʼa; ar pongel bochor hạbicʼ onḍe do celege bako girobasokʼa.