Jirimiạ 25:10 - সান্তালী বাইবেল

¹⁰ Onko tala khon rạskạ ar hulạs reakʼ aṛaṅ, jãwãe ar bạhu kuṛiyakʼ aṛaṅ, jante reakʼ saḍe ar diuhe reakʼ marsal doń sạṅgiń giḍikakʼa.

Jirimiạ 25:10 Referans Kwoze

Jirimiạ 7:34

Iń do Jihudạ reakʼ nagrahakore ar Jihudạ reakʼ sanam horkore rạskạ ar hulạs reakʼ aṛaṅ ar jãwãe ar bạhu kuṛiyakʼ aṛaṅiń thir ocoya, ente disạm do mitʼṭecʼ jarkharakʼge hoyokʼa.

Jeheskel 26:13

Iń do amakʼ sereń reakʼ arãṛiń thir ocoytama; binạ banam reakʼ saḍe hõ ar do baṅ ańjomokʼa.

Jirimiạ 16:9

ente iń Israelkoren Isor sanam daṛeanicʼ Probhugeń meneda, iń do niạ ṭhạ̃irege hoṛkoakʼ mẽtʼãhã samaṅre onkoakʼ rạskạ ar hulạs reakʼ aṛaṅiń cabaetakoa ar jãwãe koṛa ar bạhu kuṛiyakʼ aṛaṅ hõń bond ocoya.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Ester 8:11

Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 7:4

ente ale gocʼle ar marao utạrle lạgitʼte iń ar iń jạtren hoṛko dole ạkhriń akana. Ale do eken guti ar kạ̃ṛmĩ hoyokʼ lạgitʼle ạkhrińlen khan do hape akangeń tahẽkokʼa, ente onkan kosṭo reakʼ katha maharaj baḍae ocoye do lek baṅ tahẽkokʼa.”

Ester 3:13

Rajakʼ goṭa tabe disạmkore sombat asenko hotete ciṭhi do kol hoyena. Ona ciṭhire do nonka hukum emena Adar cando reakʼ gelpeyakʼ dinre Jihudiren sanam juạnko, haṛamko, maejiuko, gidrạko, metakʼme sanam Jihudiko do gocʼko hoyokʼa ar mohor meṭao utạrko hoyokʼa. Ona chaḍa onkoakʼ jinisko hõ luṭtako hoyokʼa.

Jesaea 47:2

Jante sabme ar holoṅ ridme ar ṭuṭuri ocogtam. Amakʼ kiricʼ do bulu hạbicʼ rakabtam ar gaḍako taṛam paromme.

Jirimiạ 48:33

Moabakʼ bagwan reakʼ jo, metakʼme Moab disạm khon rạskạ ar kusi do ocokʼ akana. Iń do darkha lelen kunḍ khon darkha rasań ańjetʼ akada; rạskạ ar hulạsate okoe hõ ona do bako lena. Hoho menakʼgea menkhan rạskạ reakʼ do baṅkana.

Rak̕joṅ 5:15

Aleakʼ mon khon rạskạ do caba akana ale do enecʼ baṅkatele halaṅ homoreda.