Jirimiạ 23:40 - সান্তালী বাইবেল

⁴⁰ Ape do jaejug henosta ar lajaogeń ladeapea ar ona do baṅ hiṛińokʼa.”

Jirimiạ 23:40 Referans Kwoze

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Hosea 4:7

“Naekeko tinạkʼko saṅge idikʼkan unạkʼge onko do iń upạrteko kạiyeda, ona iạte onko do manot bodolteń bemanotkoa.

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Daniel 9:16

E Probhu Isor, amakʼ dhorom lekate amakʼ nagraha, metakʼme amakʼ sonot buru Jerusalem khon amakʼ edre ar khĩs baṛe sạṅgiń giḍikakʼme. Ente aleakʼ kại ar aleren hapṛamkoakʼ ghạṭ gunạkʼte Jerusalem ar ale amren hoṛko do ale beṛhaete menakʼko sanamko ṭhen henostagele hoyakana.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Dosar Biboron 28:37

Probhu Isor okoe jạtrenko talareye chirchạturpe onko do apeakʼ ona ńelte botorteko keklesedokʼa, ar ape do landa-dhutʼ ar cigạri baragpe hoyokʼa.

Jeheskel 16:52

Amakʼ be-sonman do amge asen baṛae hoyokʼtama, ente amakʼ kạmiko do amren boeha kuṛikin secʼ gohae emetʼkana. Amakʼ kại do unkin khon hõ ḍher hirkhạwanakʼ kante am khon dhoromgekin hudisokʼkana. Onate am do lajaokʼme ar amakʼ be-sonman asen baṛaeme, ente am do amren boeha kuṛikin dhorom mentem sạbud ocoyetʼkinạ.