Jirimiạ 23:27 - সান্তালী বাইবেল

²⁷ Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

Jirimiạ 23:27 Referans Kwoze

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoyicʼ hõ Jisure pạtiạukʼ khon ruạṛe lạgitʼe kurumuṭukeda.

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Jirimiạ 9:14

Ona bodolte akoakʼ ontor reakʼ kạṭhuạtetʼ lekako senokʼkana. Ar akoren apatkoakʼ cecetʼakʼ leka onko hõ Bakʼal debotako pańjayede kana.

Dosar Biboron 8:11

Sontor akae tahenpe teheń uniyakʼ okako hukum ar niạmkoń emapekan onako bebatao iạte aperen Isor do alope hiṛińea.

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.