Jirimiạ 23:24 - সান্তালী বাইবেল

²⁴ Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Jirimiạ 23:24 Referans Kwoze

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

Sereńko 139:7

Amren sonot Jiu ṭhen khon iń do okateń calakʼa? Ar am samaṅ khon do cetʼ jãhãteń dạṛ daṛekea?

Sereńko 90:8

Aleakʼ ghạṭko do am samaṅrem dohoakada; amakʼ mẽtʼãhã reakʼ marsalte aleakʼ oko danaṅ kạiko sodorokʼ kana.

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

2 Bõsbudạ 6:18

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanamakʼ jaegare hõ amakʼ okulạn hoyokʼ khan ińakʼ benaoakʼ niạ oṛakʼre amakʼ jaega do cetʼ hoyokʼgea?

Ephesiko lạgitʼ Pạul Apostolakʼ ciṭhi 1:23

Noa manḍer do Mạsiyakʼ hoṛmo kana. Ar okoe sanam secʼ khon jotowakʼe perecʼetʼkan uni Mạsiyakʼ perecʼtetʼge hoyokʼ kana noa manḍer do.

2 Bõsbudạ 2:6

Menkhan uni lạgitʼ oṛakʼ do okoeye benao daṛekea? Ente serma, se serma rajrehõ uniyakʼ jaega do cetʼ okulạn hoyokʼa? Uni samaṅre eṭakʼ eṭakʼ samaṅokʼakʼ jinisko jeredokʼ ṭhạ̃i chaḍa ar cekate iń do uni lạgitʼ mitʼṭecʼ oṛakʼ iń benao daṛekea?

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’

Jeheskel 8:12

Uni do ińe metadińạ, “E manwa hopon, Israelkoren murubbiko ńutre apan ạpin oṛakʼren boṅgako ṭhen cetʼko cekayetʼkan dom bujhạu daṛeakʼ kangea? Onkoko meneda, ‘Probhu Isor do ale secʼ bae beṅgetʼeda, ente uni do disạm bạgikateye calao akana.’ ”

Jirimiạ 49:10

Menkhan Esaoakʼ ṭhạ̃i do ujạṛ utạrakʼ iń hoeocoya. Ar jemon aloe oko daṛeakʼ onate uniyakʼ oko ṭhạ̃ikoń sodortaea. Uniyakʼ bõsren hoṛko, peṛa pạrbhạko ar aḍepaseren hoṛ doko marao utạrokʼa ar uni hõ bae tahena.

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Jobakʼ 34:21

“Isorakʼ mẽtʼ do hoṛakʼ horkorege menakʼtaea; onkoakʼ mimitʼ taṛamko uni doe ńeletʼtakoa.

Jobakʼ 34:22

Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Jirimiạ 32:19

amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Daniel 2:22

Uni do khạndri ar okoakʼko babotreye sodoretʼkana; unigeye baḍaea ńutre do cetʼ menakʼa; uni sãote do marsal tahẽnkana.

Sereńko 139:8

Sermateń dejokʼ khan, onḍe hõ amge; patal purireń aṭetʼle khan, onḍe hõ menama;