Jirimiạ 23:22 - সান্তালী বাইবেল

²² Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Jirimiạ 23:22 Referans Kwoze

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Jirimiạ 25:5

Onko do Probhu Isorakʼ noa kathako metatʼko tahẽkana, ‘Ape do ńitokʼ apeakʼ bạṛicʼ hor ar bạṛicʼ kạmiko khon ruạṛokʼpe, enḍekhan oka disạm aperen hapṛamkoń ematʼko tahẽkan ona disạmre ape do jaejug hạbicʼpe tahẽdaṛeakʼa.

Jirimiạ 23:18

Menkhan ape modre ińakʼ katha ańjom ar bujhạu lạgitʼ iń samaṅre do okoeye teṅgona? Okoe ińakʼ katha doe lutur akawada se onae moneakawada?

Aposkạmi 20:27

ente Isor okae khojkan ona baḍae ocope do tishõ bạń pạc akana.

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

1 Thessalonikikko 5:6

Onate eṭakʼko leka alo bon jạpitʼ joṅma, bickom jagwar akae bon tahente apnar bon sambṛaokʼma.

Jeheskel 3:17

“E manwa hopon, Israelko lạgitʼ pahradar iń benaoakatʼmea; onate iń okań metam ona ańjomme ar iń huyạte onkom sontorkoa.

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Jeheskel 18:30

“Ona iạte E Israelko, iń do ape mimitʼko apeakʼ colon lekateń bicạrpea. Ape do ruạṛpe, ar sanam behokakʼ kạmi khon mon ạcurtape; enḍekhan apeakʼ kại iạte ohope maraolena.

Jirimiạ 36:3

Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jeheskel 13:5

Onko do Israel jạtrenkoakʼ pạcri bhit jut aroe lạgitʼ onḍe do bako rakapʼ akana jemon Probhu Isorakʼ dinre lạṛhại oktere ona do kajakte teṅgo akae tahen.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Malaki 2:6

Onkoakʼ mocare sạriyakʼ reakʼ cecetʼakʼge tahẽkana ar onare jãhãn eṛeteakʼ do baṅ tahẽkana. Sạriyakʼ ar dhoromte onko do iń sãoteko dãṛãnkan tahẽkana ar ḍherkoge kại khonko ruạṛ ạguiyetʼko tahẽkana.