Jirimiạ 23:21 - সান্তালী বাইবেল

²¹ Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Jirimiạ 23:21 Referans Kwoze

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 27:15

Probhu Isore meneda, ‘iń do onko bạń kol akatʼkoa. Onko do iń ńutumte eṛeyakʼko nạbiyeda. Ona iạte ape ṭhen okoeko nạbiyetʼ onko nạbi doń sạṅgińkoa ar ape sanamkogepe marao utạrokʼa.’ ”

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

Aposkạmi 13:4

Ado sonot Jiu hotetekin kol ocoyen khan Barnabas ar Sạul do Seleukiạtekin rakapʼ calaoena. Ar onḍe khon jahajte unkin do Kupros diptekin senena.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Jirimiạ 29:31

“Am do sanam bondiko ṭhen niạ khobor kolme, Nehelamren Semaya reaṅ Probhu Isore meneda, ‘Semaya do bạń kol akadea, enhõ uni do ape ṭhen nạbiye udugokʼ kana ar eṛe kathateye pạtiạu ocoakatʼpea.

Jirimiạ 29:9

Onko do iń ńutumte eṛe kathako roṛeda. Iń Probhu Isor do onko bạń kol akatʼkoa.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jesaea 6:8

Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Jirimiạ 27:14

Onko nạbikoakʼ katha alo ańjomtako lạgitʼ okoeko metapekan, ‘ape do tishõ Babel rajren golam bape hoyokʼa,’ onko do ape ṭhen eṛeyakʼko nạbiyeda.

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.