Jirimiạ 23:13 - সান্তালী বাইবেল

¹³ “Samariạren nạbiko talare iń do niạkoń ńel akada, onko do Bakʼal debota ńutumte nạbi lekate katha roṛkate ińren Israel hoṛko bạṛicʼ horteko idiakatʼkoa.

Jirimiạ 23:13 Referans Kwoze

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

2 Bõsbudạ 33:9

Manase do Jihudạ ar Jerusalemren hoṛko bạṛicʼ horteye ạyurketʼkoa; ona iạte Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼ kạmiko ehopʼena.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Hosea 4:11

“Loṭghuṭi ar nãwã ar mare darkha rasage ińren hoṛkoakʼ bud doe nosṭo akatʼtakoa.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?