Jirimiạ 22:28 - সান্তালী বাইবেল

²⁸ Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 22:28 Referans Kwoze

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.

Sereńko 31:12

Gocʼ hoṛ cetʼ lekako hiṛińokʼ onkage onko do ińko hiṛiń akadińạ; iń do rạputʼ bhajan lekań hoyakana.

Jirimiạ 48:38

Moab reakʼ sanam oṛakʼ chatkore, nagraha reakʼ kulhi ar dobạṭiạkore homor halaṅ chaḍa ar cetʼge baṅ ańjomokʼ kana, ente okaṭakʼ bhajan celege bako bạsutakʼkan onkage Moab doń rạputʼ gejer akadea.

Hosea 13:15

Ephrayim do acʼren boehako talareye jo bahakʼre hõ enhõ Probhu Isor ṭhen khon purub reakʼ mitʼṭecʼ hoe do hahaṅkar khoniń rakapʼ ạguiya; ona reakʼ jharna dakʼ do baṅ tahena ar uniyakʼ kũńko hõ rohoṛ cabakʼtaea. Ar uniyakʼ khajańci reakʼ sanam damanakʼ jinisko do luṭ idikʼa.

Jirimiạ 22:30

Probhu Isore meneda, “Am do olme, nui hoṛren cele gidrạge bạnukʼkotaea. Uni do bae jo baha daṛeakʼa ar uniren hoponko hõ bako jo bahakʼa. Onkoren okoehõ Dạudakʼ siṅghạsonre do bako duṛupʼa se Jihudạ disạmre bako rajokʼa.”

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

2 Samuel 5:21

Ar Philisṭiko do akoren murhutʼko onḍeko giḍi oṭokatʼko khan Dạud ar uniren hoṛko do onkoko idiketʼkoa.

2 Bõsbudạ 21:20

Jehoram do pegel bar bochor umerre raje hoylena ar irạl bochor Jerusalemre raje calaokeda. Uniyakʼ gujukʼre okoe hõ bako duklena. Ar Dạudakʼ nagrahare uniko topakadea menkhan rapajkoakʼ topare do bako baeledea.

Jirimiạ 22:27

Ar okaṭakʼ disạmte ruạṛ hijukʼpe khojkan onḍe do tishõ bape ruạṛ hecʼ daṛeakʼa.”

Jirimiạ 37:1

Babelren raj Nebukadnesar do Josiạ hopon Sedekiạge Jihudạren raje hoyocokedea, onate Sedekiạ do Jehoyakimren hopon Koniạ, metakʼme Jehoyakinakʼ ṭhạ̃ire rajokʼe ehopʼena.

Jirimiạ 16:12

Menkhan ape do aperen hapṛamko khonhõ bạṛicʼpe coloneda. Ńelpe, ape mimitʼko do ińakʼ katha leka sen baṅkate apeakʼ bạṛicʼ mon reakʼ keṭecʼtetʼ iạte apeakʼ kusi lekape calakʼkana.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.