Jirimiạ 22:24 - সান্তালী বাইবেল

²⁴ Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Jirimiạ 22:24 Referans Kwoze

Jirimiạ 37:1

Babelren raj Nebukadnesar do Josiạ hopon Sedekiạge Jihudạren raje hoyocokedea, onate Sedekiạ do Jehoyakimren hopon Koniạ, metakʼme Jehoyakinakʼ ṭhạ̃ire rajokʼe ehopʼena.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

1 Bõsbudạ 3:16

Jihowakimren hopon dokin hoyokʼkana Jikoniạ ar Sidikiạ.

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 22:6

Jihudạ raj oṛakʼ reakʼ sanam ṭhạ̃i reaṅ Probhu Isore meneda, “Am do iń ṭhen Gileadrenko leka ar Lebanon reakʼ buru muthni leka kanrehõm khạṭige am do hahaṅkar ṭoṭha reakʼ ujạṛakʼ nagraha lekań hoyocomea.

2 Rapajko 24:12

Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

2 Rapajko 24:15

Nebukadenesar do bondi lekate Babelte Jehoyakine idi akade tahẽkana. Uni do Jerusalem khon rajren eṅgattetʼ, uniren bạhuttetʼ, uniren kạmiyạko ar disạmren lekman hoṛko hõ bondikateye idiketʼkoa.

2 Bõsbudạ 36:9

Jehoyakin do gel irạl bochor umerre raje hoylena ar pe cando gel din Jerusalemre raje calaokeda. Uni hõ Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Jesaea 49:16

Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Jirimiạ 28:4

Ona chaḍa iń do Jehoyakim hopon Jihudạren raj Jekoniạ ar Jihudạren eṭakʼ bondiko okoe do Babelteko senakan onko hõ niạ jaegateń ruạṛ ạgukoa, ente Babelren rajakʼ arãṛ doń rạputʼ giḍiytaea. Iń Probhu Isorge niạ katha doń meneda.’ ”

Jirimiạ 29:2

Ar Jekoniạ raj ar uniren eṅgat, rajkạmiyạko, Jihudạ ar Jerusalemren mukhiyạko, kạrigolko ar kamarko Jerusalem khon bondikate idiko tayom noa ciṭhi do ol hoylena.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.