Biblia Todo Logo
Bib sou entènèt

- Piblisite -




Jirimiạ 22:20 - সান্তালী বাইবেল

20 Probhu Isore meneda, “E Jerusalem, am do Lebanonte senkate hohoeme, ar Basonre amakʼ aṛaṅ ańjom ocoytam. Am do Abarim khon kikiạume, ente amren dulạṛiạko doko chirchạtur akana.

Gade chapit la Kopi




Jirimiạ 22:20
22 Referans Kwoze  

Inạ tayom Probhu Isor do Moseye metadea, “Am do Abarim burute decʼkate oka disạm Israelkoń ematʼko ona baṛe beṅgetʼakʼme.


Ona iạte iń Probhu Isorgeń menetʼkana, amren okoe dulạṛiạkom hirkhạ akatʼko onkoge am upạrteń uskạukoa ar beṛhae khon am upạrteń ạgukoa.


Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.


“Ona iạte iń do uniren dulạṛiạkoakʼ tire, metakʼme okoeye gagojako kan tahẽkan onko Ạsurrenkoakʼ tireń soprotkadea.


Ińren dulạṛiạkoń hohoatʼkoa menkhan onko doko eṛekedińa. Ińren naekeko ar murubbiko do apnar jiwetʼ tahen lạgitʼ jomakʼ sendra sendrate nagraha talaregeko ses utạrena.


Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.


Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.


E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.


Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.


Misorren raj do lạṛhại lạgitʼ acʼakʼ rajosṭi khon ar bae oḍok baṛalena, ente Babelren raj do Misor reakʼ rohoṛ gaḍa khon phurạt gaḍa hạbicʼ goṭa rajosṭigeye dokhol akatʼ tahẽkana.


“Am do Jerikho samaṅ reakʼ Moab disạm reakʼ Abarim buru reakʼ Nebo muthnite dejokʼme ar sompotti lekate Israelko okaṭakʼ Kanan disạmiń emako lạgidokʼkan ona mitʼ dhao ńelme.


Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”


Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’


Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?


Ar Bason disạm reakʼ Elon darete do amakʼ jahaj reakʼ ḍạḍuko benao akada; ar Kaprus khon Tạsur kaṭ ạgukate onko do amakʼ jahaj reakʼ anaṭetʼ benaokate hạti reakʼ ḍaṭateko sajao akada.


Am do bohokʼre ti capokate ona ṭhạ̃iyem bạgiyakʼa, ente okoe cetanrem bhorsalen onko do iń Probhu Isorgeń nihạ̃t giḍi akatʼkoa; onko hotete jãhãn porho do baṅ hoyokʼtama.”


Swiv nou:

Piblisite


Piblisite