Jirimiạ 22:15 - সান্তালী বাইবেল

¹⁵ Aema Aema debdạru dareko tahẽlen khan ona do cetʼ raje benao daṛeama? Amren ạpum do bhage bhageye jom-ńũiyetʼ tahẽkanre hõ okaṭakʼ ṭhikakʼ ar hok reakʼakʼ kan onageye onkayetʼ tahẽkante un jokhecʼ jotowakʼ do bhagege tahẽkana.

Jirimiạ 22:15 Referans Kwoze

2 Rapajko 23:25

Uni do acʼakʼ goṭa mon, ontor ar daṛete Mose emakʼ sanam ạn-ạriko leka Probhu Isorakʼ horteye taṛametʼ tahẽkana. Uni lahate se uni tayomte ar okoe rajge uni leka do bako tahẽkana.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Sosolhayic̕ 10:17

Bhạgangea ona disạm do, one onaren raj doe bhodro hoṛren hoponkan, ar onḍenko mukhiyạko do ńũ bulokʼ lạgitʼ do baṅ menkhan daṛekʼ lạgitʼ oktereko jom ńũiyetʼ kan.

Kạhtukko 25:5

Bedhorom kạmiyicʼ do raj samaṅ khon ocogem, enḍekhan dhorom kạmi hotete uniyakʼ siṅghạson do ṭarhao tahena.

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

Jirimiạ 42:6

Ale okoe ṭhenle koletʼme uni Probhu Isorakʼ kathare ale do tabe akaele tahena baṅ dole kusiyakʼ baṅ do baṅ enhõle ańjomtaea. Ar aleren Probhu Isorakʼ kathale bataotae khan ale do bhage hoyokʼtalea.”

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Jirimiạ 22:18

Onatege Probhu Isor do Jihudạ raj Josiạren hopon Jehoyakim reaṅe meneda, “Uni lạgitʼ do okoehõ bae ‘hae haeyokʼa.’ Hoṛko do uni lạgitʼ ‘hae ińren kisạ̃ṛ! Hae uniyakʼ ṭhonok,’ onka do bako homor halaṅa.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sosolhayic̕ 2:24

Enḍekhan manwa lạgitʼ jom-ńũ ar apnarakʼ kạmire rạskạjoṅ chaḍa bhage ar cetʼge bạnukʼa. Ińiń ńelkeda niạ sanamakʼ do Isor ṭhen khonge hijukʼ kana,

Kạhtukko 31:9

Alom thir hapekokʼa, hok reakʼ bicạrme; nacar ar reṅgecʼko lạgitʼ ạidạri rukhiyạitakome.

Kạhtukko 20:28

Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.

2 Bõsbudạ 34:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana; ar ona hor khon oka secʼge bae ghańjeṛlena.

1 Bõsbudạ 3:15

Josiạren pạhilicʼ hopon do Johanan, dosaricʼ do Jihowakim, tesaricʼ do Sidikiạ, ponicʼ do Solum.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Jirimiạ 7:5

Ape do sạrige apeakʼ colon ar kạmiko reakʼpe jutletape khan ar hoṛkoakʼ hok reakʼpe chinḍạuletako khan,

2 Bõsbudạ 35:22

Josiạ do bae ruạṛlena, bickom uni sãote lạṛhại lạgitʼ eṭakʼ kicricʼ horokʼkateye sapṛaoena. Isorakʼ hukumte Neko okae metade ona do bae luturatʼte Megido reakʼ bilạn ṭạnḍire uni upạrte lạṛhại lạgitʼe oḍok senena.

2 Bõsbudạ 35:26

Josiạwakʼ eṭakʼ sanam kạmiko reakʼ katha ar Probhu Isorakʼ ạn-ạri lekate Isor botorae reakʼ sanam kathako pạhil khon mucạtʼ hạbicʼ “Israel ar Jihudạren rapajkoakʼ Itihãs” ńutumanakʼ puthire ol menakʼa.