Jirimiạ 22:13 - সান্তালী বাইবেল

¹³ Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Jirimiạ 22:13 Referans Kwoze

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Mikạ 3:10

Ape do mãyãmte Sion, ar behokakʼte Jerusalempe benao rakapʼ akada.

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 22:18

Onatege Probhu Isor do Jihudạ raj Josiạren hopon Jehoyakim reaṅe meneda, “Uni lạgitʼ do okoehõ bae ‘hae haeyokʼa.’ Hoṛko do uni lạgitʼ ‘hae ińren kisạ̃ṛ! Hae uniyakʼ ṭhonok,’ onka do bako homor halaṅa.

2 Bõsbudạ 36:4

Misorren raj do uniren dadattetʼ Eliakim do Jihudạ ar Jerusalem cetanre raje dohokadea ar uniyakʼ ńutume bodolketʼtaete Jehoyakime dohoketʼtaea. Ar Neko do Misorte Joahase sapʼ idikedea.

2 Bõsbudạ 36:5

Jehoyakim do bargel mõṛẽ bochor umerre raje hoyena ar gelmitʼ bochor Jerusalemre raje calaokeda. Uni do acʼren Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.

Jirimiạ 17:11

“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Dosar Biboron 15:13

Ar sạdhine oktere uni do eken ti alope bidạ gotʼkaea.

Jobakʼ 31:39

ar ona reakʼ phosol bin damteń jomakatʼ khan se onḍenko mạlik tulucʼ kurmutạhań beohar akatʼ khan,

Habakkuk 2:12

“Jạt jạtrenko doko mena, ‘hae uni do, one okoe do mãyãm hotete nagrahae benaoetʼ kan ar behokakʼ hotete atokoe teṅgoyetʼkan.’