Jirimiạ 21:14 - সান্তালী বাইবেল

¹⁴ Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Jirimiạ 21:14 Referans Kwoze

Jirimiạ 32:19

amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”

Sakariạ 11:1

E Lebanon, amakʼ duạrko jhicʼ dohokam, jemon seṅgel do amakʼ debdạru darekoe jom daṛeakʼ.

Jirimiạ 22:7

Iń do am upạrte nonosṭokoń kolkoa; onko mimitʼkoakʼ tire do khanḍa bhanḍa tahena. Onko do amakʼ bhage bhage debdạru dareko maga ar seṅgelreko khadle giḍikakʼa.

Jirimiạ 11:22

Iń phạdkoren Probhu Isorgeń meneda, iń do onkoń sạjạikoa. Onkoren juạnko do lạṛhạire ar onkoren gidrạko do akalteko gujukʼa.

Jirimiạ 6:29

Seṅgelte sisạ jeredokʼ lạgitʼ cạpwạ do ạḍitetʼ hoeye emokʼkana; menkhan ạuṛiyakʼgeko galao saphakʼkana, ente bạṛicʼko do bako ocokʼ giḍikʼkana.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jirimiạ 11:16

Probhu Isor do noko jạtrenko jote perecʼ mońj mitʼṭen jạitun dare menteye hohoatʼko tahẽkana. Menkhan maraṅ birbão reakʼ saḍe iạte uni do onare seṅgele lagaoakʼa ar onate onako reakʼ ḍạrko do lo ṭhuṭkudokʼa.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 22:1

Probhu Isor do Jihudạ reakʼ raj oṛakʼte senkate noa sombat lại jạhir lạgitʼe metadińạ,

Jirimiạ 46:23

Onko do Misor reakʼ bir gajaṛko makʼ saphaea. Onko do pohoko khon hõ lekhateko ḍhergea; ar ohoko lekha caba daṛelena.

Jirimiạ 50:32

Uni bạḍạiyicʼ doe sombotʼ bhindạṛokʼa ar berede lạgitʼ do celege bako goṛowaea; uniyakʼ nagrahakore seṅgeliń junḍiyakʼa, ar beṛhaeteakʼ jotowakʼ doń jeretʼ giḍikataea.”

Rak̕joṅ 2:3

Jaljalaokʼkan edrete uni doe makʼ giḍi akada Israel reakʼ mitʼke mitʼ dereńko. Bạiriko samaṅ khon uni do acʼakʼ jojom tiye or ruạṛ akatʼtaea. Beṛhaete sanamakʼko ḍahao lạgitʼ uni do seṅgel lepʼ leka Jakobreye jol rakapʼ akana.

Kạhtukko 12:14

Manwa do acʼakʼ katha hotetege bhạlạiteye perecʼ daṛeakʼa, ar uniyakʼ kạmi lekate uni do joe ńama.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.