Jirimiạ 2:5 - সান্তালী বাইবেল

⁵ Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

Jirimiạ 2:5 Referans Kwoze

2 Rapajko 17:15

Onko do uniyakʼ joto niạm, onkoren hapṛamko lạgitʼ bandhaoakʼ uniyakʼ bondobos ar onko ṭhen uniyakʼ emakʼ sontor katha do bako aṅgocleda. Onko do ạuṛiyakʼren boṅgako sewawatʼkote ako hõko ạuṛiyakʼena. Probhu Isor do Israelko okoeko leka calakʼe baronletʼko onkage onko do beṛhaeten jạtrenko lekako kạmikan tahẽkana.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

Jona 2:8

Okoe ạuṛiyakʼren boṅgako sewawako kan onko do amakʼ okaṭakʼ dayako ńamke ona do bako moneyakʼkana,

Sereńko 115:8

Okoe onkoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

1 Samuel 12:21

Uni khon do alope sạṅgińokʼa, entepe onkale khan ape do eṛe debotako ṭhenpe calakʼa. Onko doko ạuṛiyakʼgea ar bako bhạlại daṛeapea onko do rukhiyạ hõ bako rukhiyạ daṛeapea.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

Jeheskel 11:15

“E manwa hopon, amren boehako, am apnarren hoṛko, metakʼme bondi dosare menakʼko sanam Israelko reaṅ Jerusalemren hoṛko meneda, ‘onko do Probhu Isorakʼ disạm khon sạṅgińteko calao akana; noa disạm do ạidạri lekate aboge bon em ocoakana.”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 46:12

E keṭecʼ monan hoṛ, okoe do dhorom khon sạṅgińre menakʼpe, ińakʼ katha ańjomtińpe.

Jirimiạ 2:4

E Jakob bõsrenko, ar Israelren sanam gusṭirenko, ape do Probhu Isorakʼ katha ańjomtaepe.

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.