Jirimiạ 2:32 - সান্তালী বাইবেল

³² Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Jirimiạ 2:32 Referans Kwoze

Sereńko 106:21

Onkoren babańcaoicʼ Isor doko hiṛińkedea one okoe do Misorre maraṅ ar hahaṛawakʼkoe kạmiletʼ tahẽkan.

Jirimiạ 13:25

Noage amakʼ kuṛại do; noage am lạgitʼ iń soṅ dohoakada, ente am dom hiṛiń akadińạ ar debotakom pańja akatʼkoa.

Jirimiạ 3:21

Ceḍe ḍuṅgriko cetanre Israelkoakʼ rakʼjoṅ ar nehõr reakʼ aṛaṅ ańjomokʼ kana, ente onko do akoakʼ horko konḍea akatʼtakoa ar akoren Probhu Isorko hiṛiń akadea.

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.

Johan sodor 21:2

Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Genesis 24:22

Ũṭko dakʼe ńũ sạtatʼko khan uni guti do turui gram ojon sona reakʼ mitʼṭecʼ mạkṛi ar banar ti lạgitʼ barsae gram ojon sona reakʼ barea sakom oḍokkate Rebekae caladeteye kulikedea,

2 Samuel 1:24

E Israelkoren hoponerako, Sạul lạgitʼ rakʼjoṅpe. Uni do damanakʼ arakʼ kicricʼe horokʼ akawatʼpea, apeakʼ kicricʼkore abhrankoteye sajakatʼtapea.

Genesis 24:53

Ona tayom uni do sona ar rupạ reakʼ gohona ar kicricʼko oḍokkate Rebekae emadea, ar Rebekaren boeha ar eṅgattetʼ hõ aema dam reakʼ jiniskoe ematʼkinạ.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Jirimiạ 2:33

“E Jihudạ, am do dulạṛ khudạurem gạkhuṛgea! Bạṛicʼ utạricʼ maejiu hõ amakʼ hor doe ńeleda arem cetʼaekana.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Bikʼcạrko 8:34

Okoe do beṛhaeten bạirikoakʼ ti khone rukhiyạletʼko onkoren uni Probhu Isor doko hiṛińkedea.

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.