Jirimiạ 2:19 - সান্তালী বাইবেল

¹⁹ Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:19 Referans Kwoze

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Sereńko 36:1

Bạṛicʼkoakʼ ghạṭ reaṅ ińakʼ ontor do Isorakʼ noa kathae ńam akada, “Bạṛicʼko do Isor bako botoraea.”

Hosea 5:5

Israelakʼ bạḍạige onko upạrte gohae emetʼkana; Ephrayim, se goṭa Israel do akoakʼ kại iạteko tohodokʼkana ar Jihudạ hõ onko sãoteye tohodotʼ bhindạṛokʼ kana.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Romiko lạgitʼ Pạul Apostolakʼ ciṭhi 3:18

onko do Isor hõ bako botoraea.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Jeheskel 39:24

Iń do onkoakʼ besaphawakʼ leka ar onkoakʼ pap ghạṭiko lekageń halawatʼkoa ar onko khon ińakʼ mẽtʼãhãń betʼ esetʼletʼtińạ.”

Hosea 7:2

menkhan onko do bako bujhạueda je, onkoakʼ sanamakʼ kạmi reakʼ iń disạ dohoyeda mente. Onkoakʼ kại do purạtegeye gherao esetʼ akatʼkoa; onako do jao oktege iń samaṅre menakʼa.

Hosea 13:9

“E Israel, am do iń secʼren dom baṅkana, metakʼme amren gokʼṛoyicʼ secʼrenem baṅkante iń do amiń marao giḍikama.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

Exodus 33:6

Onate Israelko do Horeb burure akoakʼ abhranko totʼ giḍikada; ar tishõ onako do bako horokʼleda.

Bikʼcạrko 10:13

Menkhan ape do iń bạgikate debotakope sewawako kana, onate ar bạń bańcaopea.

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

2 Bõsbudạ 12:5

Semaya nạbi do unre Rehobiam ar Jihudạ mukhiyạko ṭhene hecʼena. Onko mukhiyạko do Sis botorte Jerusalemre hecʼkateko jarwalena. Semaya do onkoe metatʼkoa, “Probhu Isor do niạ kathae meneda, ‘ape dope bạgi giḍiakadińạ, ona iạte iń do ńitokʼ Sisakakʼ tireń jimạ akatʼpea.’ ”

2 Bõsbudạ 21:10

Onate Edomrenko do teheń hạbicʼ Jihudạ upạrteko bhiṅgṛạu akana. Jehoram do acʼren hapṛamkoren Probhu Isore bạgi akawade tahẽkante Libnarenko hõ ona jokhecʼko hulkeda.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 7:19

Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.