Jirimiạ 19:7 - সান্তালী বাইবেল

⁷ “ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Jirimiạ 19:7 Referans Kwoze

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Jirimiạ 34:20

Ona iạte okoe bạiriko onko gocʼko reakʼko menetʼkan onko bạirikoakʼ tiregeń soprotkoa. Onkoakʼ mạ̃ṛĩ do coṭren cẽṛẽko ar birren janwarkoakʼ jomakʼge hoyokʼa.

Jirimiạ 15:9

Eae goṭen hoponkoren eṅgat do lajao ar opoman dosaregeye gujukʼa. Okte ạurirege uniyakʼ jion reakʼ siń cando doe hạsurokʼa. Ar okoe jiwetʼko tahen onko hõ tarwaṛe samaṅreń ạgukoa. Iń Probhu Isorge noa katha doń menetʼkana.”

Jirimiạ 15:2

Onko do amko kulilem khan, ‘ale do cetʼ hoyokʼtalea?’ Enḍekhan onkom metakoa, ‘Probhu Isor do noa kathae meneda, ‘okoe mahamạri lạgitʼ kanko onko do mahamạrite, okoe tarwaṛe lạgitʼ kanko onko do tarwaṛete ar okoe akal lạgitʼ kanko onko do akalteko gujukʼa; ar okoe do bondi ocokʼ lạgitʼ kanko doko bondi idi ocokʼa.”

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Romiko lạgitʼ Pạul Apostolakʼ ciṭhi 4:14

Ạn-ạriko pańjaete jãhãe dhạrti reakʼ ạidạriye ńam khan, enḍekhan pạtiạu do okạjuwạgea ar Isorakʼ ona gokʼakʼ reakʼ hõ jãhãn damge baṅ tahena.

Romiko lạgitʼ Pạul Apostolakʼ ciṭhi 3:31

Noa biswạs iạte cetʼ ạn-ạriko bon mạutạ ocoyeda? Tis hõ baṅa, bickom ạn reakʼ katha sạrikana mente bon sạbud ocoyetʼ kana.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Jirimiạ 46:26

Okoe onkoakʼ jiwiko sendara kan Babelren raj Nebukadnesar ar uniren lạṛhại phạdkoakʼ tire onkoń jimạkoa. Ona tayom do Misorre arhõ lahate leka hoṛko girobasokʼa. Iń Probhu Isorge noa katha doń meneda.”

Jirimiạ 22:25

Okoe amakʼ jiwi hataoko menetʼ, ar okoeyem botoraekan uni Babel raj Nebukadneser ar kạldikoakʼ tireń soprotmea.

Jirimiạ 22:19

Gadha cetʼ lekae topa ocokʼ onkage uni hõe topa ocokʼa; uni do Jerusalem reakʼ phaṭok duạr bahrete or idikateko giḍikaea.”

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Jirimiạ 8:8

“Ape do cekatepe meneda, ‘ale do ạkilanko kanale ar Probhu Isorakʼ ạn-ạriko ale ṭhen menakʼa.’ Menkhan dhorom guru do ạn-ạriko bhulgeko lạiyetʼte olokʼko do eṛe kathako ol akada.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Jirimiạ 32:28

Onate noa nagraha do Babelrenko ar onkoren raj Nebukadnesarakʼ tireń soprota. Uni do noae hatjoṅa.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

2 Rapajko 21:14

Ińren hoṛkoren sarecʼ hĩsko doń bạgi oṭoakoa ar bạirikoakʼ tireń jimạkoa. Onkoren sanam bạiriko do onkoakʼko luṭtakoa ar jotowakʼ jor julumkateko idiy takoa,

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”