Jirimiạ 19:4 - সান্তালী বাইবেল

⁴ Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Jirimiạ 19:4 Referans Kwoze

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Dosar Biboron 28:20

“Bạṛicʼakʼko kạmi iạte Probhu Isor do apeakʼ sanam kạmireye sarap apea, uni do ḍamaḍol ar nisṛạuge apereye kola, ar onatepe heṛ idikʼa ar thoṛa okte khangepe marao utạrokʼa.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Luk 11:50

Ar nonkate, dhạrti sirjạu reakʼ ehopʼ khon tinạkʼgan nạbikoko gocʼ ocoakan, onkoakʼ mãyãm reakʼ dạyi do niạ piṛhiren hoṛko cetanrege paṛaokʼa.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jirimiạ 26:23

Onko do Misor khon Uriạko hoho ạgukedete Jehoyakim raj ṭhenko idikedea; ar raj do tarwaṛete uniye gocʼkedea ar hoṛkoakʼ topa ṭhen uniyakʼ mạ̃ṛĩye giḍikatʼtaea.

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 16:11

Unre am do onkom metakoa, Probhu Isore meneda, ‘noa reakʼ karon do hoyokʼ kana aperen hapṛamko do ińko bạgi giḍi akadińa ar debotako pańja akatʼkote onkoko sewa akatʼkoa. Onko doko bạgi giḍi akadińa ar ińakʼ ạn-ạriko bebatao akada.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Jirimiạ 17:20

Uni do noa kathae metadińạ, “E Jihudạren rapajko ar sanam hoṛko ar Jerusalemre girobasokʼkan hoṛko, ape okoe do noa phaṭok duạrtepe bolo oḍokokʼkan, Probhu Isorakʼ katha baṛe ańjompe.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Jeheskel 7:22

Ḍạkuko do ińakʼ sonot jaegare bolokate onako besonota, ar onko secʼ khon ińakʼ mẽtʼãhã doń ạcurtińạ.

Jeheskel 20:26

Pạhilko janam akan hoponko do seṅgelreko khadleketʼkoa, ar ona hoteteń bhõnḍ ocowatʼkoa jemoniń marao utạrko. Unre onko doko baḍae daṛeakʼa je, iń kangeạń Probhu Isor do.’

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

Sereńko 106:38

Onko do bedhoromko, metatʼme akoren gidrạkoakʼ mãyãmko joro ocokeda. Onko do Kananren murhutʼko ńutumteko dãṛẽketʼkoa, onate goṭa disạmge mãyãmte bhoṅḍena.

Jeheskel 8:11

Onako samaṅre Israelren gel eae murubbiko teṅgo akan ar onko talare Saphan hopon Jasaniạ teṅgo akaniń ńelkedea. Ar onko mimitʼkoakʼ tire do mitʼṭecʼkate dhup dạni tahẽkana ar ona khon dhũạ do rimil cetan secʼ rakabokʼkan tahẽkana.