Jirimiạ 18:9 - সান্তালী বাইবেল

^9-10 Ar jãhãtis jãhã jạtrenko se jãhã rajosṭiń benao ruạṛ ar rohoe reakʼ kathań lại jạhir lekhan ar onko jạtrenko do ińakʼ mẽtʼre bạṛicʼakʼko kạmi ar ińakʼ kathako bako ańjom, enḍekhan onko oka bhạlạiko reakʼ iń hudisletʼ ona bhạlại iạteń kastaokʼa.’

Jirimiạ 18:9 Referans Kwoze

Jirimiạ 31:28

Cetʼleka onkoń or totʼko, ariń rạputʼ giḍiko ariń lebda giḍikako ar onko cetanre ḍahao marao ar muhin ạgui reakʼ nońjoriń doholetʼ onkage onko benao rakapʼko ar cara leka rohoe aroko secʼhõ nońjoriń dohoyeda.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 1:10

Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Sosolhayic̕ 3:2

Janamokʼ okte ar gujukʼ okte, rohoe okte ar totʼ giḍikakʼ okte,

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jirimiạ 31:38

Probhu Isore meneda, “Ona okteko hijukʼkana tinre iń lạgitʼ Hananel buruńj khon Konac reakʼ phaṭok duạr hạbicʼ niạ nagraha do arhõ benao arokʼa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.