Jirimiạ 18:21 - সান্তালী বাইবেল

²¹ Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 18:21 Referans Kwoze

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Rak̕joṅ 5:3

Ale do ṭũạr amarkole hoyakana, aleren baba do bạnuitalea, aleren gogo doko rạnḍi akana.

Jirimiạ 15:8

Onkoren rạnḍi maejiukoakʼ lekha do gaṅgaren gitil lekań hoeocoya. Am do bir banṭa hoṛren eṅgat kanam, amren hoṛko upạrte tikin jokhecʼ mitʼṭecʼ nonosṭoyicʼ iń ạguiyea; ar onko cetanre ackage haso ar botoriń paṛao ocoya.

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Exodus 22:24

Unre ińakʼ edre do jalajalaokʼa ar ape do lạṛhạirepe gujukʼa. Onate aperen bạhu doko rạnḍikʼtapea ar gidrạ doko ṭũạrokʼa.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

Jirimiạ 12:3

E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

1 Samuel 15:33

Menkhan Sạmuele menkeda, “Amakʼ tarwaṛete ḍher maejiukoren hoponko gocʼ ocoakan onkage maejiuko talare eṅgamren hopon hõe adokʼtaea.” Ar niạ katha menkate Sạmuel do Gilgolre Probhu Isor samaṅre Og raj doe samakʼ khanḍa khunḍikedea.

Sereńko 63:10

Onko do tarwaṛe samaṅreko doho ocokʼa; ar toyokoren jomakʼko hoyokʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jirimiạ 14:16

Okoe nạbi do onko ṭhen nạbi lekate kathako roṛetʼkan onkoakʼ mạ̃ṛĩ do lạṛhại ar akalte Jerusalem reakʼ kulhikore giḍi ocokʼa. Unre onko se onkoren bạhuko ar gidrạko topako lạgitʼ okoehõ bako tahena. Onkoakʼ kuṛại do onko cetanregeń upʼakoa.

Jirimiạ 15:7

Disạm reakʼ phaṭok duạrkore amren hoṛ do haṭakʼteń gumkoa. Ińren hoṛko cetanre hoponkoakʼ gujukʼ reakʼ homor halaṅ iń paṛao ocoya ar onko doń marao utạrkoa, ente onko do akoakʼ hor khon bako ruạṛ akana.

Jirimiạ 50:30

Ona iạte uniren juạnko do nagraha reakʼ kulhi ar dobạṭiạkoreko gocʼ ocokʼa; ar enhilokʼ uniren sanam lạṛhại phạd doko marao ocokʼa.

Rak̕joṅ 1:15

Probhu Isorge ińren sanam birbão hoṛkoe nihạ̃t giḍi akatʼkoa; uni do ińren juạnko chaka chunko lạgitʼ iń upạrte mitʼṭecʼ okteye ṭhik dohoakada. Darkha lelen kunḍre kuạ̃ri kuṛi Jihudạ do jaṅgateye lebetʼ gasmanḍao akadea.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.