Jirimiạ 18:20 - সান্তালী বাইবেল

²⁰ Bhageakʼ bodolte cetʼ bạṛicʼakʼko halaea? Menkhan onko do iń lạgitʼ ghaḍlakʼko la akada. Disạime, amakʼ edre onkore jemon ruạṛ calakʼ onate am samaṅre teṅgokate onkoakʼ kathań roṛetʼkana.

Jirimiạ 18:20 Referans Kwoze

Sereńko 57:6

Onko do ińakʼ dãṛãn horre jhạliko oḍao akada; santao iạte iń doń dormojlen tahẽkana; onko do ińakʼ horre ghaḍlakʼko layeda, menkhan onko do apnarge onareko khańjokʼkana. (Sela)

Sereńko 35:7

Onko do khanakha iń lạgitʼ gaḍare jhạliko oḍao akada, ar khanakha iń lạgitʼ khạṛiko la akada.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Sereńko 35:12

Bhạlại bodol onko do bạṛicʼakʼko halawạń kana; Hae, iń okoḍa do!

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.

Sosolhayic̕ 10:8

Okoe ghaḍlakʼe lae uni do onaregeye khańjokʼa; ar okoe bhite dasao uni do bińe ger botejea.

Kạhtukko 26:27

Okoe hoṛ khạ̃ṛiye lae uni do onaregeye ńurokʼa; ar okoe hoṛ dhiriye guṛgạu gotʼkakʼ ona do acʼge guṛgạu hecʼaea.

Sereńko 119:95

Bạṛicʼ hoṛko do maraoiń lạgitʼ koyokʼ horre menakʼkoa, menkhan amakʼ kathako iạte iń do khạndriyakʼkoń hudisjoṅ kana.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Johan 10:32

Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼkana?”

Jirimiạ 14:20

E Probhu Isor, aleakʼ dusṭạmi ar aleren hapṛamkoakʼ dos reakʼle aṅgocetʼ kana; sạrige ale do am upạrtele kại akada.

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 7:16

Probhu Isore meneda, “Noko hoṛko lạgitʼ do alom koejoṅa, onko lạgitʼ do alom raga ar jãhãnakʼ iń ṭhen alom nehõrokʼa; ar jãhãnakʼ hõ alom ạjijokʼa, ente iń do bạń ańjomtama.

Kạhtukko 17:13

Okoe hoṛ upkạr bodole behoketʼkan, behok do uniyakʼ oṛakʼ tishõ bae bạgiyakʼa.

Sereńko 38:20

Iń do onkoń bhạlạileko khan onko do ińakʼ khutiytiń reakʼko kurumuṭuyeda; ar bhageakʼkoń ńam baṛaere onko do iń upạrteko teṅgon kana.

Sereńko 7:15

Uni do ghaḍlakʼ la kate ar ona khon hasa rakapʼkateye kholao akada ar acʼakʼ ghaḍlakʼre acʼgeye khańjokʼ akana.

Jobakʼ 6:27

Ape do ṭũạr amarko lạgitʼpe gulibãṭetʼkana ar gate do ạkhrińkope khojkana.

1 Samuel 19:4

Jonathan do acʼren apat Sạul ṭhen Dạude sarhaokedea, are menkeda, “E maharaj, amren golam Dạud upạrte jãhãnakʼ do alogem cekaea. Am upạrte uni ma jãhãnakʼ bacoṅe kại akatʼ, bickom uni okae ceka akatʼ onate ḍhergem upkạr akana.

Jirimiạ 5:26

“Ińren hoṛko talare bạṛicʼ hoṛ menakʼkoa okoe do cẽṛẽ jhãmpako leka tãṛãkʼ akaeko tahenkan; onko do pạsi oḍaokate manwako sapʼkoa.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 18:19

E Probhu Isor, ińakʼ katha ańjomme; iń upạrte okam menakatʼ ona moneyakʼme.

Jirimiạ 27:18

Onko doko nạbikan khan ar Probhu Isorakʼ katha onko ṭhen menakʼ khan enḍekhan Probhu Isorakʼ oṛakʼ reakʼ, Jihudạwakʼ raj oṛakʼ reakʼ ar Jerusalemre ńithõ oka jinisko sarecʼ menakʼ ona jemon Babelte alo idikʼ ona lạgitʼ phạdkoren Probhu Isor ṭhenko nehõrokʼ ma.

Rak̕joṅ 3:59

E Probhu Isor, ińre oka behokakʼ hoyakan ona dom ńel akatʼgea. Dhoromte baṛe bicạrkạtińme.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!