Jirimiạ 18:15 - সান্তালী বাইবেল

¹⁵ Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 18:15 Referans Kwoze

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Hosea 11:2

Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Malaki 2:8

Menkhan ape do ṭhik hor khonpe ghańgeṛ akana ar apeakʼ cecetʼakʼte ḍher hoṛpe tohotʼ bhinḍạṛ ocoyetʼkoa. Nonkate Liwi bõsrenko lạgitʼ dohowakʼ bondobospe bad giḍikakʼ kana. Iń phạdkoren Probhu Isorge noa katha doń meneda.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Mathae 15:6

enḍekhan uni do eṅgat se apat manotkin reakʼ jạruṛ bạnukʼtaea. Apeakʼ noako ạri-cạli iạtege ape do Isorakʼ kathape mạutạ akada.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 13:25

Noage amakʼ kuṛại do; noage am lạgitʼ iń soṅ dohoakada, ente am dom hiṛiń akadińạ ar debotakom pańja akatʼkoa.

Jirimiạ 3:21

Ceḍe ḍuṅgriko cetanre Israelkoakʼ rakʼjoṅ ar nehõr reakʼ aṛaṅ ańjomokʼ kana, ente onko do akoakʼ horko konḍea akatʼtakoa ar akoren Probhu Isorko hiṛiń akadea.

Romiko lạgitʼ Pạul Apostolakʼ ciṭhi 14:21

Jel jom, se darkha rasa ńũi se nonkanakʼ kạmi lek do baṅkana one okaṭakʼte amren boehae tạkicʼ botecʼkokʼ.

Jirimiạ 44:25

Phạdkoren Probhu Isor do noa kathae meneda, ‘apepe menleda, sermaren rạni ńutumte dhup jered ar coḍor reakʼ okale kiriạ akan ona do khạṭigele onkaea. Apeakʼ ona kiriạ lekate ape ar aperen bạhukoakʼ kạmi hotete ona dope udukʼ akada.’ “Onate okaṭakʼpe kiriạ akan ona baṛe onkaepe. Apeakʼ kiriạwakʼko purạutape.

Jirimiạ 19:5

Onko do Bakʼal ńutumte jeredokʼ samaṅokʼakʼko menkate akoren hoponko seṅgelre atar giḍiko lạgitʼ Bakʼal boṭkocʼ thankoko benao akada, menkhan iń do bạń hukum akada se bạń menakada ar ona do ińakʼ monre tishõ baṅ rakapʼakana.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jesaea 3:12

Okoe ińren hoṛko santaoetʼko onko do gidrạko leka, ar okoe onkoko ḍanṭaoetʼko onko do maejiuko leka. E ińren hoṛko, aperen hor udukʼ hoṛkoge bạṛicʼ secʼko idiyetʼpea; onko do ṭhik hor khon bhul horteko idiyetʼpea.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jirimiạ 18:14

Lebanon reakʼ him do cetʼ jãhãtis buru reakʼ dhasna khon le cabakʼa? Ar sạṅgiń khon ạtu ãṛgonkan reaṛ dakʼ do cetʼ jãhãtisokʼ cabakʼa?

Jirimiạ 51:18

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Jeheskel 36:15

Jạt jạtrenkoakʼ landa dhutʼicʼ do ar bạń hoyocomea ar onkoakʼ henosta hõ ar bam ańjoma. Am khạtirte amren hoṛko do ar bako tohodokʼa. Iń Probhu Isorge noa katha doń meneda.’ ”

Hosea 2:6

Ona iạte iń do jạnumkote uniyakʼ horiń esedtaea; ar uni beṛhaete hõń pạcri eseda jemon acʼakʼ hor aloe sendra ńam daṛeakʼ.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.