Jirimiạ 17:9 - সান্তালী বাইবেল

⁹ “Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 17:9 Referans Kwoze

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Sosolhayic̕ 9:3

Siń cando latarre okako hoyokʼkan ona modre duk reakʼ do hoyokʼkana, sanamko inạ mitʼ dosage hoyokʼtakoa. Ona chaḍa manwa ontor do dukte perecʼgea ar jiwetʼe tahen bhor uniyakʼ ontorre do khepatetʼ tahena, ar ona tayom uni doe gujukʼa.

Kạhtukko 28:26

Khaṭo bujan hoṛ do acʼakʼ bujreye bhorsakʼkana, menkhan okoe Isor emakʼ ạkilteye calakʼ uni do khạtirjomae tahena.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Jirimiạ 16:12

Menkhan ape do aperen hapṛamko khonhõ bạṛicʼpe coloneda. Ńelpe, ape mimitʼko do ińakʼ katha leka sen baṅkate apeakʼ bạṛicʼ mon reakʼ keṭecʼtetʼ iạte apeakʼ kusi lekape calakʼkana.

Sereńko 51:5

Iń do janam tora khonge bedhoromre minạńa; ar kại dosarege eṅgạńakʼ kukhireń tahẽkana.

Mark 2:17

Noa katha ańjomkate Jisu do sostor baḍaekoe metatʼkoa, “Boge hoṛko lạgitʼ raranicʼ reakʼ jạruṛ do bạnukʼa, menkhan ruạkʼko lạgitʼ do jạruṛgea. Dhorom hoṛ hohoako lạgitʼ do bạń hecʼakana menkhan kại hoṛko lạgitʼgeń hecʼakana.”

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

Romiko lạgitʼ Pạul Apostolakʼ ciṭhi 7:11

ente ona hukum reakʼ ạt iạte kại doe bulạukedińa, ar ona hukum hotetege kại doe gocʼkedińạ.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

2 Samuel 11:15

Onare niạ kathae olkeda, “Okare kajak lạṛhại hoyokʼkan onḍe Uriạ do lạṛhại phạdko laharem dohoyea, ar uni tayom khonpe ocogokʼte unipe ńẽtʼ ocoyea jemone gujukʼ.

Jesaea 1:5

Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Sereńko 64:7

Menkhan Isor do onko cetanre sare aṛaga; ar onko do ackage sar bitʼakoa arko bhindạṛokʼa.

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.