Jirimiạ 17:27 - সান্তালী বাইবেল

²⁷ Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 17:27 Referans Kwoze

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Jeheskel 22:8

Am do ińakʼ sonot jiniskom hirkhạ akawada ar ińakʼ jirạukʼ mãhãko reakʼ sonottetʼ do bam rukhiyạ akada.

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 49:27

Damesek reakʼ pạcrikore iń do seṅgeliń junḍiyakʼa; ona do Benhadad gaṛkoe lo poṭor cabaea.”

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Amos 2:2

Onatege iń do Moab upạrte seṅgeliń kola; ona do Keriot reakʼ gaṛkoe joma. Lạṛhại reakʼ hoho ar sakwa saḍe reakʼ gulmal talare Moab doe gujukʼa.

Amos 1:12

Onate iń do Teman upạrte seṅgeliń kola; ona do Bosrawakʼ gaṛkoe joma.”

Amos 1:10

Ona iạte iń do Tur reakʼ bhit upạrte seṅgeliń kola; ona do uniyakʼ gaṛkoe joma.”

Amos 1:7

Ona iạte iń do Gasa reakʼ pạcri bhit upạrte seṅgeliń kola; ona do uniyakʼ gaṛkoe jomtaea.

Amos 1:4

Ona iạte iń do Hasael reakʼ raj oṛakʼ cetanre seṅgeliń kola; ona do Benhadadakʼ gaṛkoe joma.

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 17:24

Menkhan ape do sontorkate ińakʼ katha lekape calakʼ ar jirạukʼ mãhãre nagraha reakʼ phaṭok duạrte jãhãn bojha bape ạgui ar jirạukʼ mãhãre jãhãnakʼ baṅ kạmikate iń ńutumtepe begar dohoy,

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Jirimiạ 6:17

Ape cetanre pahradarko bahalkateń metatʼkoa, ‘sakwa reakʼ saḍe moneyakʼpe.’ Menkhan apepe meneda, ‘ale do bale moneyakʼa.’

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Sereńko 122:7

Ona beṛhaeteakʼ pạcrikore suluk tahenma, ar ona reakʼ raj dolanre hõ bhạlại tahen ma.”

Jirimiạ 18:1

Probhu do Jirimiạ ṭhen noa kathae sodorkeda,

Rak̕joṅ 2:6

Uni do bagwan reakʼ dare leka uniyakʼ tahen ṭhạ̃iye totʼ giḍiakatʼtaea; uniyakʼ niṭ akatʼ ńapamokʼ ṭhạ̃i hõe marao akatʼtaea. Sion do acʼakʼ sanam porob ar jirạukʼ mãhã reakʼ kathae hiṛiń ocoakadea; ar acʼakʼ edre reakʼ khĩste raj ar naekekoe nihạ̃t giḍi akatʼkoa.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Jeheskel 23:38

Ona chaḍa inạko okterege unkin do ińakʼ oṛakʼkin bhonḍ akada. Unkin do ińakʼ jirạukʼ mãhãko reakʼ sonottetʼ do bạkin rukhiyạ akada.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.