Jirimiạ 17:22 - সান্তালী বাইবেল

²² Cetʼ leka aperen hapṛamkoń hukumatʼko tahẽkan onkage jirạukʼ mãhãre ape do apeakʼ oṛakʼ khon jãhãn bojha alope oḍoka se jãhãnakʼ alope kạmiya, bickom jirạukʼ mãhã do iń ńutumte begar dohokakʼpe.

Jirimiạ 17:22 Referans Kwoze

Jeheskel 20:12

Iń ar onko talare cinhạ lekate jirạukʼmãhãń ematʼkoa jemonko baḍae daṛeakʼ je, iń Probhu Isorge iń ńutumteń begar dohoakatʼkoa mente.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Luk 6:5

Mucạtʼre Jisu do onko Phạrusikoe metatʼkoa, “Manwa Hopon kangeae jirạukʼ mãhãren mạlik do.”

Jeheskel 22:8

Am do ińakʼ sonot jiniskom hirkhạ akawada ar ińakʼ jirạukʼ mãhãko reakʼ sonottetʼ do bam rukhiyạ akada.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Jirimiạ 17:24

Menkhan ape do sontorkate ińakʼ katha lekape calakʼ ar jirạukʼ mãhãre nagraha reakʼ phaṭok duạrte jãhãn bojha bape ạgui ar jirạukʼ mãhãre jãhãnakʼ baṅ kạmikate iń ńutumtepe begar dohoy,

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.