Jirimiạ 17:18 - সান্তালী বাইবেল

¹⁸ Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 17:18 Referans Kwoze

Sereńko 35:4

Ar okoe iń gojeńko menjoṅkan onko do lajao ar bemanotreko paṛaokʼma; ar okoe do ińakʼ bạṛicʼ reakʼko soṛojontroyetʼ onko do opomankateko ruạṛ calakʼma.

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

Sereńko 40:14

Okoe do iń gojeń reakʼ kurumuṭure menakʼko onko jotoge lajao arko opomanokʼma; okoe ińakʼ sorbonasko khojkan onko do bohokʼ tumbutʼkateko ruạṛ calakʼma.

Sereńko 35:8

Onate ackage onkore ujạṛokʼ do hecʼ paṛaokʼma; ar oḍao akatʼ jhạlire akogeko jhạlikʼma, ona ujạṛokʼre akogeko paṛaokʼma.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.

Jirimiạ 17:16

Amren hoṛ gupiko khon iń do bạń ńir pharak akana; am dom baḍaegea muhin do bạń khojkana. Ińakʼ moca khon oka oḍokokʼ ona do am ṭhen baṅ okoya.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Sereńko 71:1

E Probhu Isor, iń do amregeń hirlạ akana, ar lajaore tishõ alom paṛao ocoyińạ.

Sereńko 70:2

Okoe iń gojeń reakʼko kurumuṭukan onko jotoge lajao ar opomanreko paṛaokʼma; ar okoe do ińakʼ sorbonasko khojkan onko do tumbutʼkateko ruạṛ calakʼma.

Jobakʼ 16:14

Bar bar ińakʼ rurukhiyạ bhit doe rạputʼetʼtińạ, birbão hoṛ leka uni do iń secʼe ńir hijukʼkana.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jirimiạ 12:3

E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 17:19

Okaṭakʼ phaṭok duạrte Jihudạkoren rapajko bolo oḍokokʼ kan tahẽkan Probhu Isor do ona phaṭok duạr ṭhen ar Jerusalem reakʼ eṭakʼ phaṭok duạrko ṭhen senkate teṅgokʼ lạgitʼe metadińạ.

Dosar Biboron 33:11

E Probhu Isor, am do uniyakʼ sompotti baṛe bhorakʼtaeme, ar uniyakʼ sanamakʼ kạmire kusikʼme. Uniren bạirikoakʼ ḍanḍa baṛe rạpudtakome, ar okoe uniko hirkhạwae onkoakʼ ḍanḍa hõ rạpudtakome, jemon aloko teṅgo ruạṛ daṛeakʼ.”