Jirimiạ 17:15 - সান্তালী বাইবেল

¹⁵ Ńelme, onko doko mitạń kana, “Probhuakʼ katha do okayena? Ona do ńitokʼ purạukʼma.”

Jirimiạ 17:15 Referans Kwoze

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Amos 5:18

Hae ape do! Ape do ahkaokʼ salakʼ Probhu Isorakʼ din ńeljoṅpe khojkana! Ar cedakʼ ona din lạgitʼ dope gorojokʼkana? Ape ṭhen ona din do marsal reakʼ do baṅ hoyokʼa menkhan ńut reakʼge hoyokʼa.

Jeheskel 12:22

“E Manwa hopon, Israel disạmre noa do cetʼ lekan katha kana, ‘din do parom calakʼ kana ar mimitʼ dorsonko do ạuṛiyakʼ hoyokʼ kana?’

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”