Jirimiạ 17:1 - সান্তালী বাইবেল

¹ Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Jirimiạ 17:1 Referans Kwoze

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Kạhtukko 7:3

Amakʼ kạṭupʼkore onako bedhao dohokakʼme, ar amakʼ ontorre ol dohokakʼme.

Levitikus 4:25

Ona tayom naeke do kại ńutumte samaṅ akade janwar khon thoṛa mãyãm kạṭupʼte hataokate jeredokʼ samaṅokʼakʼ pind reakʼ dereńkoreye ojokʼakʼa; ar sarecʼakʼ mãyãm do ona pinḍ aṛereye dulkakʼa.

Hosea 12:11

Gilead do bedhoromteye perecʼgea; uniren hoṛ doko ạuṛiyakʼgea. Onko do Gilgolre ḍher ḍaṅgrako samaṅketʼkoa. Onkoakʼ pinḍko do casetʼkan jumire dhiri ḍạṅko leka ḍhergea.

Jesaea 49:16

Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Jirimiạ 2:22

Am do sạji dakʼtem ạrupʼlenre hõ ar ḍher sạbuntem sạbunlenre hõ enhõ amakʼ ghạṭko reakʼ gabao do iń samaṅre tahengetama. Iń Probhu Isorge noa katha doń meneda.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Hosea 7:2

menkhan onko do bako bujhạueda je, onkoakʼ sanamakʼ kạmi reakʼ iń disạ dohoyeda mente. Onkoakʼ kại do purạtegeye gherao esetʼ akatʼkoa; onako do jao oktege iń samaṅre menakʼa.

Sakariạ 7:12

Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Hosea 8:11

“Ephrayim do acʼakʼ ghạṭko sạṅgińtae lạgitʼ aema pinḍkoe benao akawana, menkhan onako do kạkại reakʼ pinḍkantaea.