Jirimiạ 16:20 - সান্তালী বাইবেল

²⁰ Hoṛko do cetʼ apnar lạgitʼ debotako benao daṛeakoa? Arko benaolekore hõ onko do isor doko baṅkana.”

Jirimiạ 16:20 Referans Kwoze

Galathiko lạgitʼ Pạul Apostolakʼ ciṭhi 4:8

Pạhilre Isor bape baḍae akade tahẽkanre okoepe sewawako kan tahẽkan onko do cele debgeko baṅkana.

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Galathiko lạgitʼ Pạul Apostolakʼ ciṭhi 1:8

Menkhan oka bhage sombat apele jạhir akatʼpe ona khon judạ lekan bhage sombat ape ṭhen porcarlen khan, ona do alele jạhirape se jãhãe serma goḍetgeye jạhirape, enḍekhan unire sarap paṛaokʼma.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Jesaea 36:19

Hamat ar Arphadren debotako doko okayena? Ar Sepharwayimren debotako hõko okaeyen? Onko do cetʼ ińakʼ ti khon Samariạko rukhiyạ daṛe akawada?

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

2 Rapajko 19:18

Onkoren debotako do seṅgelre giḍikateko nosṭo caba akatʼkoa. Onko do Isor doko baṅkana, onko do manwa tite benaoakʼ eken kaṭ ar dhiri kanako; ona iạtege onko doko marao giḍi daṛeatʼko tahẽkana.