Jirimiạ 16:19 - সান্তালী বাইবেল

¹⁹ E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 16:19 Referans Kwoze

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.

Jirimiạ 17:17

Iń lạgitʼ toras do alom hoyokʼa; muhinren hirlạ dom amkangea.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jesaea 44:10

Nonkanicʼ okoe menaea one goṛhon muṭhạne dul ar ona iạte porho bae asokʼkan?

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Habakkuk 3:19

Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Jirimiạ 3:23

Sạrige buru boṭkocʼ khon goṛowakʼ do eṛeteakʼ chaḍa ar cetʼge baṅkana. Sạrige aleren Probhu Isorrege Israelkoakʼ bańcaokʼ do menakʼa.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Sereńko 68:31

Misor khon rajren goḍet doko hijukʼa; ar Kusren hoṛko do hare phare Isor secʼ tiko tiạr takoa.

Sereńko 62:7

Ińakʼ bańcao ar manot do Isorrege bhorsa akana; Isorge ińren daṛe, ar ińren usul buru, unige ińren aotan gaṛ.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Sereńko 19:14

E Probhu Isor, ińren aotan gaṛ, ińren chakʼḍaoicʼ, ińakʼ moca reakʼ kathako ar ińakʼ ontor reakʼ hudis bundisko do am baṛeye kusi ocomema.

Romiko lạgitʼ Pạul Apostolakʼ ciṭhi 1:25

Isorakʼ sạriyakʼtetʼ bạgikate eṛeakʼko ataṅ akawana. Sisirjạuicʼ bạgikate uniyakʼ sirjạuakʼko sewawakʼ kana, menkhan sanam mạhima do jaejug hạbicʼ uni sisirjạuicʼakʼ kangea. Amen.

1 Rapajko 20:23

Aram rajren gutiko hõ niạ sopolha rajko emadea, “Onkoren debotako do bururen debota kanako, onate onko do abo khon hõko daṛegea. Menkhan onko sãote bilạn ṭạnḍire bon lạṛhại enḍekhan khạṭige onko do bon bhagao daṛeakoa.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

Sereńko 18:3

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khone rukhiyạyińạ.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Jirimiạ 10:3

Niạ reakʼ karon onkoakʼ dhorom cạl-colon do ạuṛiyakʼgetakoa. Onko do bir khon dareko makʼ ạguiyeda ar kạrigol do apnarakʼ tite baṭalite onare muṭhạnko benaoakʼkana.

Jirimiạ 14:8

E Israelren asicʼ, kosṭokʼ okteren rurukhiyạicʼ, disạm talare cedakʼ bin opromicʼ leka do menama, ar cedakʼ mitʼ ńindạ tahen kạnicʼ horten hoṛ lekam hoyakana?