Jirimiạ 16:13 - সান্তালী বাইবেল

¹³ Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jirimiạ 16:13 Referans Kwoze

Dosar Biboron 28:36

“Ar okoeṭakʼ rajpe bahale Probhu Isor do uni ar ape bondikate idipe lạgitʼ nonkan mitʼ jạtrenko ṭhene jimạpea okoe do bape oromakatʼko ar aperen hapṛamko hõ bako baḍae akatʼko. Onḍe ape do kaṭ ar dhiriren deb-murtikope sewawakoa.

Jirimiạ 15:14

Oka disạm reakʼ katha bam baḍaeakatʼ ona disạmre amren bạirikoren golamiń hoyocomea, ente ińakʼ edre seṅgel do am cetanre jolakana ar ona do jaejug hạbicʼ jolokʼa.”

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

2 Bõsbudạ 7:20

enḍekhan iń okaṭakʼ disạmiń emakawatʼpe ona khon rehetʼ sudhạń totʼ giḍikapea ar iń ńutumte okaṭakʼ koejoṅ oṛakʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre sanam jạtrenko ṭhen ona oṛakʼ do landa-dhutʼakʼ iń hoeocoya.

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 15:4

Jihudạren raj Hiskiạren hopon Manase Jerusalemre okae ceka akatʼ ona iạte uni oka sạjạiyiń emae ona ńelte dhạrtiren sanam rajosṭiren hoṛ do botor caṛhaoakoa.

Jirimiạ 14:8

E Israelren asicʼ, kosṭokʼ okteren rurukhiyạicʼ, disạm talare cedakʼ bin opromicʼ leka do menama, ar cedakʼ mitʼ ńindạ tahen kạnicʼ horten hoṛ lekam hoyakana?

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 5:19

Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 22:26

Iń do am ar okoeye janam akatʼme uni eṅgam hõ eṭakʼ disạmte, one onḍe okoeyakʼ hõ janam baṅ hoyakantape ona disạmreń lebda giḍikapea, ar aben bana hoṛge onḍeben gujukʼa.

2 Rapajko 25:21

Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.

Jirimiạ 10:18

ente Probhu Isore meneda, “Noa oktere okoe disạmreko tahen onko doń capatʼ giḍikakoa; onko cetanre nonkan ghoṭnań paṛao ocoya jemonko aṭkar daṛeakʼ.”

Jirimiạ 16:5

“Okaṭakʼ oṛakʼre hoṛko homor halaṅetʼkan ona oṛakʼte do alogem bolokʼa; Homor hakʼlaṅ ar onkoakʼ duktem dukokʼte onḍe do alogem calakʼa, ente noko hoṛko khon ińakʼ suluk, dulạṛ ar daya doń ocokʼ akatʼtińạ.