Jirimiạ 15:3 - সান্তালী বাইবেল

³ Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jirimiạ 15:3 Referans Kwoze

Dosar Biboron 28:26

Apeakʼ mạ̃ṛĩ do coṭren cẽṛẽko ar otren janwarkoakʼ jomakʼge hoyokʼa, onko laga ńirko lạgitʼ do celege bako tahena.

Levitikus 26:22

Ape talare jojom kaṭaha janwarkoń kolkoa. Onko do aperen gidrạkoko jomkoa, ar aperen mĩhũ-meromkoko maraokoa ar aperen hoṛko komaokʼtapea. Onate apeakʼ horko do khạlige tahena.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Jesaea 18:6

Ar onko do jotokoge bururen gidi ar bir janwar ṭhenko giḍi ocokʼa; ar kũṛĩtʼ ar gidi do onakote niron dinko ṭalaoa ar bir janwarko do onakote rabaṅ dinko khemaoa.

Sereńko 68:23

jemon amakʼ jaṅga do amren bạirikoakʼ mãyãme lebḍae ar amren seta do ona jemonko caṭokʼ daṛeakʼ.”

Jirimiạ 12:9

Ińakʼ sompotti iń ṭhen do sendra cẽṛẽ leka hoyakana, one eṭakʼ sendra cẽṛẽko gherao esetʼkate ińko hạ̃neń kan. Am do senkate sanam bir janwarko jarwakate ạgukom jemon onko do uniko jom daṛeae.

Jirimiạ 14:16

Okoe nạbi do onko ṭhen nạbi lekate kathako roṛetʼkan onkoakʼ mạ̃ṛĩ do lạṛhại ar akalte Jerusalem reakʼ kulhikore giḍi ocokʼa. Unre onko se onkoren bạhuko ar gidrạko topako lạgitʼ okoehõ bako tahena. Onkoakʼ kuṛại do onko cetanregeń upʼakoa.

Rak̕joṅ 3:11

Hor khon or ghec ghece ạgukateye khanḍa khunḍi akadińạ ar eskargeye giḍi oṭoakadińạ.

Jeheskel 33:27

“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Dosar Biboron 32:24

Onko do reṅgecʼteko loraokʼa ar durdurạukʼ ruạ ar bisanakʼ rogteko capoṭokʼa. Onko upạrte iń do kaṭaha janwarko ar dhuṛire leńokʼkan bisan bińkoń kolkoa.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”