Jirimiạ 15:19 - সান্তালী বাইবেল

¹⁹ Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jirimiạ 15:19 Referans Kwoze

Sakariạ 3:7

“Phạdkoren Probhu Isor do ame metamkana, ‘am do ińakʼ hortem senlen khan arem sapʼsorạń khan tobe do ińakʼ oṛakʼ reakʼ jotowakʼem ạyura ar ińakʼ khạrại ńel todarot reakʼ bharem ńama, ar okoe nonḍeko teṅgo akan onko leka iń samaṅre hijukʼ reakʼ ạidạriń emama.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Levitikus 10:10

Ar okaṭakʼ sonotakʼkan ar okaṭakʼ do begor sonotakʼkan ar okaṭakʼ do chutakʼkan ar okaṭakʼ do chutakʼ baṅkan ona bujhạukate calakʼ hoyokʼtapea.

Jeheskel 44:23

Iń ńutumte okaṭakʼ begar dohoakan ar oka baṅ begar akan ona tala reakʼ ińren hoṛko cetʼakoa ar okaṭakʼ saphawakʼ ar okaṭakʼ baṅ saphawakʼ onako udukʼakoa.

Jeheskel 22:26

Uniren naekeko do ińakʼ ạn-ạri upạrteko kạmikana ar ińakʼ sonot jiniskoko besonot ocoyeda. Okaṭakʼ sonotakʼkan ar okaṭakʼ do sonotakʼ baṅkan ona jotoko mitʼeda; onko do sapha ar besaphawakʼ talare oka pharak menakʼ ona reaṅ bako cetʼako kana ar ińakʼ jirạukʼ mãhãko manao babotre mẽtʼ doko jạpitʼkatako kana. Onate onko talare ińakʼ ńutum reakʼ sonottetʼ do nosṭokʼ kana.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Exodus 4:12

Ńitokʼ do calakʼme. Ińge katha roṛ lạgitʼ iń goṛowama ar okaṭakʼ roroṛ hoyokʼtam ona hõń cetʼama.”

Jeheskel 2:7

Ar huhul jạtren kanteko ińakʼ katha do ohoko ańjomlea, menkhan baṅ doko ańjom ar baṅ do bako ańjom am do ińakʼ katham lạiyakoa.

Luk 12:12

Ente unre cetʼko roroṛ hoyokʼtapea ona do sonot Jiugeye cetʼapea.”

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Galathiko lạgitʼ Pạul Apostolakʼ ciṭhi 2:5

Menkhan bhage sombat reakʼ sạriạkʼtetʼ jemon ape lạgitʼle rukhiyạ daṛeakʼ onate mitʼ ghạṛi lạgitʼ hõ onkoakʼ katha do bale manaoleda.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Jona 3:2

Uni doe menkeda, “Am do ńitokʼ ona maraṅ nagraha Niniwite calakʼme ar oka sombatiń lạiyam onḍe senkate ona lại jạhirme.”

Jirimiạ 4:1

Probhu Isore meneda, “E Israel, ruạṛ hijukʼem menetʼ khan iń ṭhenge ruạṛme. Ińakʼ mẽtʼãhã samaṅ khon amren hirkhạwan boṅga murhutʼkom sạṅgiń giḍikako ar bạṛicʼ horte bam senokʼ,

Jirimiạ 6:29

Seṅgelte sisạ jeredokʼ lạgitʼ cạpwạ do ạḍitetʼ hoeye emokʼkana; menkhan ạuṛiyakʼgeko galao saphakʼkana, ente bạṛicʼko do bako ocokʼ giḍikʼkana.

Jirimiạ 35:19

Ona iạte iń do Israelren phạdkoren Probhu Isoriń meneda, iń sewawạń lạgitʼ Rekabiạren hopon Jonadabakʼ bõsre tishõ hoṛkoakʼ khạnti do baṅ hoyokʼtakoa.”

Rak̕joṅ 1:11

Uniren sanam hoṛko do jare jaretʼte jomakʼko ńam baṛakana; apnar bańcao tahen lạgitʼ onko do jomakʼ bodolte akoakʼ damanakʼ jinisko emakana. Jerusaleme meneda, “E Probhu Isor, beṅgedme, ar hudisme, iń doń nihạ̃t giḍi ocoakana.

Levitikus 14:57

Noako khon manwa se jãhãnakʼ jinisge tinre saphawakʼ ar tinre besaphawakʼ hoyokʼa ona do noa reakʼ niạmrege udukʼakana. Ar noa kangea murhucʼjom rog reakʼ niạm do.

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.