Jirimiạ 14:17 - সান্তালী বাইবেল

¹⁷ “Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 14:17 Referans Kwoze

Jirimiạ 8:21

Ińren hoṛko lạbṛukʼente iń hõń lạbṛukʼ akana; iń doń homor halaṅetʼkana ar bạṛicʼ botor sapʼakadińạ.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Mikạ 6:13

Ar onatege iń do apeakʼ ghạṭ iạte bạṛicʼ sạjạiyiń sạjạipea ariń marao utạrpea.

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Jirimiạ 10:19

Hae, ińakʼ jokhom do! One okaṭakʼ do baṅ bogekʼtiń! Enhõ nijạteń menjoṅkana, “Noa do ińakʼ rog kana, noa do sahaotege hoyokʼtińạ.”

Jesaea 37:22

Uni upạrte Probhu Isore meneda, ‘kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuitakoa.

Sereńko 39:10

Iń cetan khon amakʼ sạjại do sahaṛkakʼme; amakʼ ti reakʼ dalte iń doń sesena.

Amos 5:2

“Kũạri kuṛi Israel doe gurena, ar tishõ bae beretʼ daṛeakʼa; uni do acʼakʼ ot reye giḍi ocoakana, ar uni berede lekan do celege bạnukʼkoa.”

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

2 Rapajko 19:21

Uni upạrte Probhu Isore meneda, ‘Kũạri kuṛi Sion am doko nisṛạumea arko landa-dhutʼama. Jerusalemren hoṛko do am tayomre bohokʼko rukuya.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Jirimiạ 18:13

Ona iạte Probhu Isore meneda, “Jạt jạtrenko talare ḍunḍhạukate ńelme, noa lahare nonkan katha do okoeye ańjomakada? Kũạri kuṛi Israel do mitʼṭecʼ hirkhạwakʼe kạmiakada.

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.