Jirimiạ 14:14 - সান্তালী বাইবেল

¹⁴ Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 14:14 Referans Kwoze

Jeheskel 12:24

Israelren hoṛko talare eṛe dorson ar kusi ocokʼ reakʼ gona-poṛa do ar baṅ tahena.

Jirimiạ 29:31

“Am do sanam bondiko ṭhen niạ khobor kolme, Nehelamren Semaya reaṅ Probhu Isore meneda, ‘Semaya do bạń kol akadea, enhõ uni do ape ṭhen nạbiye udugokʼ kana ar eṛe kathateye pạtiạu ocoakatʼpea.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jeheskel 21:29

E tarwaṛe onko do am reaṅ ạuṛi dorsonko ńeńelkanre hõ ar am reaṅ ạuṛiyakʼko guniyetʼkanre hõ okoeko gocʼ ocokʼ onko bedhorom bạṛicʼkoakʼ hoṭokʼ am dom giḍi ocokʼa; ente onkoakʼ din do hecʼ paṛao akana, onkoakʼ sạjại reakʼ okte do seṭer akana.

1Timothi 4:2

Bibek goṛdho akan nonkan eṛe hoṛkoakʼ phạsiạrate nonka do hoyokʼa.

Sakariạ 13:3

Enhõ jãhãe nạbi lekate kathako roṛ enḍekhan acʼren eṅgat-apat do unikin metaea, ‘am do gujukʼ hoyokʼtama, ente am do Probhu Isor ńutumte eṛe katham roṛeda.’ Ar nạbi lekate kathae roṛetʼkante uniren eṅgat-apat do unikin sobokʼ gojea.

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Jeheskel 13:23

Ona iạte eṛe dorson do bape ńela ar gona-poṛa hõ bape gona-poṛaoa. Apeakʼ ti khon ińren hoṛkoń bańcaokoa. Unre apepe baḍae daṛeakʼa, iń kangeạń Probhu Isor do.’ ”

Jirimiạ 37:19

Okoe ape ṭhen noa kathako nạbiletʼ baṅma, Babel raj do am ar niạ disạm upạrte do bae hijukʼa, onko aperen nạbiko doko okayena?

Jirimiạ 29:21

Kolayaren hopon Ahab ar Maseyaren hopon Sedekiạ, unkin do iń ńutumte ape ṭhen eṛekin nạbiyetʼkan, unkin reaṅ iń Israelren Isor phạdkoren Probhugeń meneda, unkin do Babelren raj Nebukadnesarakʼ tireń soprotkińạ, ar uni do apeakʼ mẽtʼ samaṅregeye gocʼkinạ.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 28:13

“Am do senkate Hananiạ metaeme, Probhu Isore meneda, ‘am do kaṭ reakʼ arãṛem rạputʼ giḍiakada menkhan iń do mẽṛhẽtʼ reakʼ arãṛ iń benaoa.

Jesaea 9:15

Ona bohokʼ do kana murubbiko ar manotan hoṛkoge, ar canḍbol do eṛe sikhạuna emokʼ nạbiko.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Dosar Biboron 18:20

Menkhan iń oka bạń hukum akawade nonkan katha jãhãe nạbi ińakʼ ńutumte dilkate se debotakoakʼ ńutumte kathae roṛ, enḍekhan uni do gocʼ giḍikae hoyokʼa.’

Jesaea 56:10

Israelren pahradarko doko kãṛãgea, onko do cetʼge bako baḍaea. Onko do guṅgạ seta lekanako, bako bhokʼ daṛeakʼa. Onko do giticʼkateko kukmũya ar jạpitʼko kusiyakʼa.

Jirimiạ 8:11

Ińren hoṛkoakʼ ghạlko onko do eken cetan cetanteko bogeyetʼtakoa. Onko do ‘suluk, suluk ko,’ meneda menkhan suluk do bạnukʼtakoa.

Jirimiạ 20:6

Ar E Pashur, am ar am gharońjren sanam hoṛ do bondikate Babeltepe idi ocokʼa. Onḍe do amem gujukʼa arko topamea; ar amren okoeko gateko ṭhen nạbi lekate eṛe katham roṛakatʼ onko jotokoakʼ dosa hõ onkage hoyokʼtakoa.”

Jirimiạ 28:11

Ar sanam hoṛkoe metatʼkoa, “Probhu Isore meneda, ‘nonkage iń do bar bochor bhitrite sanam jạtrenkoakʼ taren khon Babel raj Nebukadnesarakʼ arãṛ iń rạputʼ giḍiya.’ ” Unre Jirimiạ nạbi do onḍe khone calaoena.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jeheskel 13:2

“E manwa hopon, Israelren okoe nạbiko do ńitokʼ kathako roṛetʼkan onko upạrte am do nạbi lekage katha roṛme. Okoe akoakʼ mongoṛa katha lekako nạbiyetʼkan onkom metakoa jemon onko do Probhu Isorakʼ kathako ańjom.