Jirimiạ 13:26 - সান্তালী বাইবেল

²⁶ Amakʼ kicricʼ do mẽtʼãhã hạbicʼ iń rakabtama jemon amakʼ lajaoteakʼ ńelokʼtam.

Jirimiạ 13:26 Referans Kwoze

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Jeheskel 23:29

Onko do amko hirkhạwama ar amem khaṭaolen reakʼ sanam jo do onkoko idiytama. Onko doko uluṅmea arko ekenti oṭokama. Unre amakʼ kusumbiteakʼ kạmi reakʼ lajaoakʼ do sodorokʼtama. Amakʼ laṭghaṭ kạmi ar kusumbigiri khạtirte noako do amre hijukʼa, ente am do jạt jạtrenko tulucʼ laṭghaṭ reakʼem kạmi akada, metakʼme onkoren boṅga murhutʼkotem bhonḍ akana.

Jeheskel 16:37

ona iạte amren onko sanam dulạṛiạkoń jarwakoa one okoeko tulucʼem rạskạ mitʼlen. One okoeyem dulạṛletʼko tahẽkan ar okoeyem hirkhạwako kan tahẽkan onko sanamkoń jarwakoa. Iń do beṛhae khon am upạrteń jarwakoa ar onko samaṅre amakʼ kicricʼ iń bhạnduṛtama jemon onko do amakʼ lajaoteakʼko ńel daṛeatam.

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Jirimiạ 49:10

Menkhan Esaoakʼ ṭhạ̃i do ujạṛ utạrakʼ iń hoeocoya. Ar jemon aloe oko daṛeakʼ onate uniyakʼ oko ṭhạ̃ikoń sodortaea. Uniyakʼ bõsren hoṛko, peṛa pạrbhạko ar aḍepaseren hoṛ doko marao utạrokʼa ar uni hõ bae tahena.

Nạhum 3:5

Phạdkoren Probhu Isore meneda, “E Niniwi, iń do am upạrteń teṅgo akana; amakʼ mẽtʼãhã hạbicʼ kicricʼ iń rakabtama. Amakʼ uluṅ do jạt jạtrenkoń ńel ocokoa ar rajosṭiren do amakʼ lajaoakʼtetʼge.

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Hosea 2:12

Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.