Jirimiạ 13:18 - সান্তালী বাইবেল

¹⁸ Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jirimiạ 13:18 Referans Kwoze

Jirimiạ 22:26

Iń do am ar okoeye janam akatʼme uni eṅgam hõ eṭakʼ disạmte, one onḍe okoeyakʼ hõ janam baṅ hoyakantape ona disạmreń lebda giḍikapea, ar aben bana hoṛge onḍeben gujukʼa.

2 Rapajko 24:12

Unre Jihudạren raj Jehoyakin, uniren eṅgattetʼ, uniren gokʼṛoyicʼ, uniren subedarko ar uniren gutiko jotoge Nebukadenesarakʼ tireko jimạyena. Nebukadenesarakʼ rajokʼ irạlakʼ bochorre uni do Jehoyakin bondikateye idikedea.

2 Rapajko 24:15

Nebukadenesar do bondi lekate Babelte Jehoyakine idi akade tahẽkana. Uni do Jerusalem khon rajren eṅgattetʼ, uniren bạhuttetʼ, uniren kạmiyạko ar disạmren lekman hoṛko hõ bondikateye idiketʼkoa.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

Mathae 18:4

Onate jãhãege nui kạṭicʼ gidrạ leka acʼteye nindhạnokʼ unige serma rajre sanamko khone maraṅokʼa.

Jona 3:6

Raj ṭhen ona khobor seṭeren khan uni hõ siṅghạson khone beretʼente acʼakʼ raj-kicricʼe totʼketʼtaea ar gõṛẽ kicricʼ horokʼkate torocʼreye duṛupʼena.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

2 Bõsbudạ 33:23

Menkhan uniren apat Manase leka Probhu Isor ṭhen do bae nindhạnlena; uni do kạkạitegeye tahẽyena.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Exodus 39:28

Onkoakʼ dạhṛi ar bohokʼ reakʼ ṭupri hõ mĩhĩ musnạ sutạmteko benaoekeda ar bhitri reakʼ kicricʼ do uńakʼ mĩhĩ musnạ sutạmteko benaokeda.

Kạhtukko 27:24

ente dhon do jaejug baṅ tahena, raj mukuṭ hõ piṛhike piṛhi do baṅ tahena.

Jesaea 3:20

mạ̃ṛko, bạjuko, kạcni piṭiko, jiṭhuyạkʼko, mạndạliko,

Jirimiạ 29:2

Ar Jekoniạ raj ar uniren eṅgat, rajkạmiyạko, Jihudạ ar Jerusalemren mukhiyạko, kạrigolko ar kamarko Jerusalem khon bondikate idiko tayom noa ciṭhi do ol hoylena.

Jirimiạ 36:16

Onko do sanamakʼ katha ańjomkate botorokʼ salakʼ am iń secʼko beṅgetʼana ar Barukko metadea, “Noako reakʼ joto katha do raj jạhiraetege hoyokʼa.”

Rak̕joṅ 1:6

Sion kuṛiyakʼ sanam mahatto do caba akantaea. Uniren mukhiyạko do nonkan jel lekako hoyakana okoe do ạtiń ṭạnḍiko bako ńametʼkan; onko doko nijorente onko laha lahateko dạṛkeda. One okoe do onkoko khudạuetʼko.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!

Jeheskel 16:12

mũre mạkṛi, luturre pagra ar bohokʼre do napae okocʼ mitʼṭecʼ mukuṭiń horokʼakʼmea.

Jeheskel 21:26

Iń Probhu Isorgeń meneda, amakʼ dạhṛi raṛaetam, ar mukuṭ do bojtam. Ente cetʼleka tahẽkan onka do ar baṅ hoyokʼa. Usulakʼ do copodokʼa ar copodakʼ do usul ocokʼa.

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Jeheskel 44:18

Onkoakʼ bohokʼre musnạ kicricʼ reakʼ dạhṛi tahena ar onko do musnạ reakʼ jhaṅgako horoga; ar alo jemonko udgạrokʼ nonkan kicricʼ do bako horoga.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.