Jirimiạ 12:1 - সান্তালী বাইবেল

¹ E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Jirimiạ 12:1 Referans Kwoze

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Sereńko 92:7

Bedhorom hoṛko do ghãs lekako hara rakabokʼ kana ar dusṭạmi kạmikanko do usạrateko phulạukʼ kana enhõ onko do jaejug lạgitʼko marao utạrokʼa.

Sereńko 37:1

Am do bạṛicʼ hoṛko iạte alom jal jalaokʼa, se behok kạmiyetʼkanko ńelte alom hiskạkʼa;

Daniel 9:7

“E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Sereńko 37:35

Bedhorom hoṛ do ạḍi haḍrap iń ńel akadea, nij hasare harakʼkan hạriạṛ dare leka uni doe jhạṛpạkʼ kana.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

Jirimiạ 12:6

Amren boehako, metakʼme am bõsren hoṛ do bepạtiạrko hoyakana; onko hõ am tayomreko lagao akana. Am reaṅ bhageakʼ kathako roṛlere hõ onko do alom pạtiạuakoa.

Jirimiạ 5:11

Israel ar Jihudạren hoṛko do ińre ạḍitetʼ bepạtiạranko hoyakana. Iń Probhu Isorge noa katha doń meneda.”

Jobakʼ 13:3

Menkhan sanam daṛeanicʼ sãote galmarao iń khojkana, Isor tulucʼ ińakʼ mambla chinḍạu iń khojkana.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Jesaea 48:8

Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Jesaea 41:21

Probhu Isor, metakʼme Jakobren raje meneda, “Apeakʼ mambla samaṅtape, ar sạbudko ạguiytape.

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sereńko 119:137

E Probhu Isor, am dom dhoromgea; amakʼ bicạr do hok reakʼ kana.

Sereńko 119:75

E Probhu Isor, ińiń baḍaea amakʼ ạn ạriko do dhoromte perecʼgea; ar amem pạtiạrge iạte ińem duk ocoakadińạ.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Sereńko 116:5

Probhu Isor do daya are dhoromicʼkana; aboren Isor do mãyãteye perecʼgea.

Sosolhayic̕ 8:14

Dhạrtire ar mitʼṭen ạuṛiyakʼ do hoyokʼkana, bedhoromkoakʼ kuṛại do dhorom hoṛgeko ńama, ar dhorom hoṛkoakʼ kuṛại do bạṛicʼ hoṛko ńameda. Ińiń meneda noa hõ ạuṛiyakʼgea.

Jirimiạ 3:7

Iń doń hudisetʼ tahẽkana niạko tayom do iń ṭhene ruạṛ hijukʼa, menkhan bae ruạṛ hecʼlena ar uniren bepạtiạricʼ misera Jihudạ hõ onae ńelkeda.

Jirimiạ 3:20

Menkhan E Israelko, jãwãetetʼ cetanre bepạtiạricʼ bạhu leka ape do ińre bepạtiạrankope hoyakana. Iń Probhu Isorge noa katha doń meneda.”

Jirimiạ 9:2

Hae, hahaṅkar ṭhạ̃ire horten calakʼkoakʼ mitʼṭecʼ ḍerań hoylen khan! Enḍekhan ińren hoṛko bạgikate onḍegeń sen pharakkokʼa, ente onko jotoge laṭghaṭ ar ekʼṛekoren dol kanako.

Jirimiạ 32:16

“Jumi kiriń reakʼ dolel do Neriạren hopon Baruk emade tayom iń do Probhu Isor ṭhen noań koekeda,

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Jeheskel 18:25

“Enhõ ape dope menetʼkana, ‘Probhu Isorakʼ hor do ṭhikakʼ baṅkana.’ E Israelko, ańjompe. Ińakʼ hor do cetʼ behok reakʼ hor kana? Ona do baṅa, bickom apeakʼ kangea behok reakʼ hor do.

Jobakʼ 8:17

Ona reakʼ rehetʼ do dhiri ḍạṅ beṛhaete pasnao akana; ar dhiri talare mitʼṭecʼ nirại ṭhạ̃iye ńamakada.

Jobakʼ 24:12

Nagrahakore manwakoakʼ geraṅ ańjomokʼkana, ar ghạl akan hoṛ do goṛo ńam lạgitʼko guhereda; menkhan Isor do onkoakʼ rakʼjoṅakʼ bae moneyakʼkantakoa.

Jobakʼ 24:23

Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Daniel 9:14

Onatege E Probhu Isor, am do muhinem ṭhik dohoakada jemon ale cetanre ńitem kol daṛeakʼ, ente aleren Probhu do sanamakʼ kạmirege hokakʼren Isor kanae; enhõ ale do amakʼ katha bale ańjomleda.

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”