Jirimiạ 11:5 - সান্তালী বাইবেল

⁵ Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Jirimiạ 11:5 Referans Kwoze

Jirimiạ 28:6

Uni doe menkeda, “Amen, Probhu Isor do onageye onkaema. Probhu Isorakʼ oṛakʼ reakʼ jinisko ar Babel khon sanam bondiko nonḍe ruạṛ ạgukote Probhu Isor do amakʼ nạbi katha reakʼgeye purạu ma.

1 Korinthiko 14:16

Am do Jiutem gunmanao johar khan ona pạrsi bin baḍaeyicʼ hoṛ onḍe hạjire tahenre cekate amakʼ gunmanao joharakʼre uni do Amene mena? Ente am cetʼem menetʼkan uni do bae bujhạueda?

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Levitikus 20:24

Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea.

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Jirimiạ 32:22

Oka disạmre toa, dumur rasa ar jãhãnakʼ reakʼ okulạnge bạnukʼ ona disạm emako reakʼ katha onkoren hapṛamko ṭhenem gokʼleda ar onam ematʼko tahẽkana.

2 Bõsbudạ 6:17

E Israelren Isor, amren guti ińren ạpuń Dạud ṭhen okaṭakʼem gokʼletʼ ona baṛe purạukʼ ma.

Sereńko 105:8

Okaṭakʼ katha reakʼ hukum uni do hajar hajar bõsrenko lạgitʼe emlen, uniyakʼ ona bondobos reakʼ katha uni do jaejug hạbicʼe disạ dohoya.

Jirimiạ 19:12

Iń do niạ ṭhạ̃ire ar nonḍenko hoṛko lạgitʼ okań cekae ona do noage; noa nagraha do Tophet lekań hoeocoya;