Jirimiạ 10:9 - সান্তালী বাইবেল

⁹ Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Jirimiạ 10:9 Referans Kwoze

Sereńko 115:4

Onkoren boṅga murhutʼko do sona ar rupạte manwa tite benaoko kanako.

Daniel 10:5

Un jokhecʼ iń doń beṅgetʼ rakapʼketʼ khan mĩhĩ musnạ kicricʼ horokʼ akatʼ ar ḍanḍare khạṭi sona reakʼ totolakʼteye tol akan mitʼṭen hoṛiń ńelkeda.

Jesaea 40:19

Kạrigol do chãchre goṛhon muṭhạne duleda; ar sonhar do sonate onae toleda ar ona lạgitʼ rupạ sikṛikoe benaoeda.

1 Rapajko 10:22

Doreãore Hiramakʼ jahaj sãote rajakʼ hõ maraṅ maraṅ Tạrsis jahajko tahẽkana. Pe bochor por por onako jahajte sona, rupạ, hạti sonḍa, hạṛũko ar marakʼkoko ạguiyetʼko tahẽkana.

Jeheskel 27:12

“ ‘Amakʼ asambheṛ dhon-durib lạgitʼ Tạrsis do am sãoteye bạnij-beparetʼ tahẽkana; rupạ, mẽṛhẽtʼ, ṭin ar sisạkote amakʼ jiniskoe kirińetʼ tahẽkana.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Jesaea 23:6

E jalapuri aṛe aṛete girobasokʼ kan hoṛko, ape do hae haeyokʼpe; ar Tạrsiste parom senokʼpe.

Jeheskel 27:7

Misor reakʼ likạn goṛhon mĩhĩ mushnạ kicricʼte amakʼ jahaj reakʼ badam do benaolena ar onatege hoṛko do amko orom daṛeamkan tahẽkana. Elisa khon ạguwakʼ nil ar beguni roṅakʼ kicricʼ do amakʼ dapalakʼ tahẽkana.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

2 Bõsbudạ 9:21

Ar rajakʼ adomakʼ maraṅ maraṅ jahajko do Hiramren hoṛko soṅgekate Tạrsiste calakʼkan tahẽkana. Pe bochor por por ona Tạrsis reakʼ jahajko do sona, rupạ, hạti sonḍa, hạṛũko ar marakʼkoko ạguyetʼko tahẽkana.

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.