Jirimiạ 10:8 - সান্তালী বাইবেল

⁸ Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jirimiạ 10:8 Referans Kwoze

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Habakkuk 2:18

“Boṅgawakʼ do jãhãn damge bạnukʼtaea, ente manwage coṅ uni mae rokʼ benao akade. Ar dulicʼ muṭhạn hõ jãhãn damge bạnukʼtaea, ente manwa do ona khon eṛe cecetʼakʼgeko ńama. Ar okoe acʼakʼ tite onakoe benao akatʼ uni do cedakʼ onareye ṭehãḍokʼkana? Uni boṅga ma kathage coṅ bae roṛ daṛeakʼ.

Jesaea 44:19

Okoe hõ bae hudisokʼkana; ar okoeyakʼ hõ bud ar ạkil baṅ do bạnukʼte oneye men, “Iń do niạ reakʼ mitʼ hĩste seṅgel iń jol akada, ar ona reakʼ koela seṅgelte piṭhạń rapakʼ akada ar jel hõń rapakʼkeda ariń jom biyena. Enḍekhan niạ reakʼ sarecʼ hĩste do cetʼ hirkhạwanakʼ jinisiń benaoa? Kaṭ munḍhạtʼ samaṅre cetʼ iń doń ombagokʼa?”

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Sereńko 135:18

Okoe nokoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Sereńko 115:8

Okoe onkoko benao akatʼko ar okoe onko cetanreye pạtiạukʼ are bhorsakʼ onko hõ murhutʼ lekako hoyokʼa.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Jirimiạ 2:27

Onko do kaṭko metakʼa, ‘amgem ińren ạpuń kana,’ ‘ar amgem ińren eṅgạń kana.’ Onko do iń secʼ khon deako ạcur akatʼtakoa mẽtʼãhã do baṅa; enhõ muhinre doko mena, ‘dela hijukʼme, ale bańcaoleme.”

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jirimiạ 5:4

Iń doń hudisleda, “Onko do nacar arko lelhagea, ente onko do Probhu Isorakʼ hor ar akoren Isorakʼ ạn-ạri bako baḍaea.

Jona 2:8

Okoe ạuṛiyakʼren boṅgako sewawako kan onko do amakʼ okaṭakʼ dayako ńamke ona do bako moneyakʼkana,