Jirimiạ 10:5 - সান্তালী বাইবেল

⁵ Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

Jirimiạ 10:5 Referans Kwoze

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

1 Korinthiko 12:2

Baḍaegeape, Isor bape sewawaekan tahẽkanre ape do nonkan muṭhạnko secʼpe ạyur ocokʼkan tahẽkana one okoe doko guṅgạge.

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Jesaea 46:1

Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

Jirimiạ 10:14

Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Dosar Biboron 4:28

Onḍe ape do manwa tite kaṭren ar dhiriren benao muṭhạnkope sewawakoa okoe do bako ńeńel, bako ańjom, bako jom daṛeakʼ ar sãhetʼ hõ bako sãhetʼ daṛeakʼ.

2 Bõsbudạ 25:15

Noa iạte Probhu Isor do Amasiạ cetanreye edreyena. Uni do mitʼṭen nạbiye kolkedea. Uni nạbiye menkeda, “Onko hoṛkoren debotako okoe do amakʼ ti khon bako bańcao daṛeatʼko onkoakʼ goṛo do cedakʼem khojkana?”

Jesaea 16:12

Moab do tinreye bujhạu daṛeakʼa, than boṭkocʼkore senkate jãhãn lab bạnukʼa unre uni do koejoṅ lạgitʼ acʼakʼ mundilteye bolokʼa; menkhan onate hõ jãhãn lab do baṅ hoyokʼtaea.