Jirimiạ 10:16 - সান্তালী বাইবেল

¹⁶ Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jirimiạ 10:16 Referans Kwoze

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jirimiạ 51:19

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae, ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Sereńko 119:57

E Probhu Isor, am kangeam ińakʼ dhon do; iń do amakʼ katha leka calakʼ reakʼ iń kiriạkʼ kana.

Sereńko 74:2

Hudiskate ńelme amren onko hoṛkoakʼ katha okoe do sedae khonge amren hoṛem hoyocoakatʼko, okoe bõsrenko do amren ạidạriko lekatem chaḍao ạguletʼko. Disạime ona Sion buru reakʼ katha one okaṭakʼ amakʼ tahen oṛakʼem benao akatʼ.

Rak̕joṅ 3:24

Mon monteń mena, “Probhu Isor kangeae ińren sompotti, onate unirege asiń dohoytińa. ”

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

Jirimiạ 50:34

Menkhan onkoren chakʼḍaoicʼ doe daṛeangea; uniyakʼ ńutum do phạdkoren Probhu Isorge. Uni do onkoakʼ mamblae calaotakoa jemon onkoakʼ disạmre suluke ạgui ar Babelren hoṛkoe ḍamaḍol ocoko.”

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Sereńko 73:26

Ińakʼ hoṛmo ar mon do sesokʼa, menkhan Isorge ińakʼ ontor reakʼ daṛe do, ar unige ińakʼ jaejugren bakhra kanae.

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Jesaea 47:4

Aboren babańcaoicʼ do Israelren uni sonoticʼ kanae; uniyakʼ ńutum do phạdkoren Probhuge.

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Sereńko 142:5

E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

Jirimiạ 10:6

E Probhu Isor, am leka do okoehõ bạnukʼkoa; am dom maraṅgea, ar amakʼ daṛe hõ maraṅgetama.

Jirimiạ 33:2

Probhu Isore menkeda, “Ińakʼ ńutum do Probhu kana, iń doń kạmikana; ar okaṭakʼ iń kạmi ona reakʼ doń goṭa lahayetʼkana ariń kạmi sạtetʼkana. Ińiń meneda,

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Sakariạ 2:12

Sonot disạmre uniyakʼ sompotti lekate Probhu Isor do Jihudạ disạme ạidạrijoṅa ar Jerusalem do arhõe bachaojoṅa.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Jesaea 19:25

Phạdkoren Probhu Isor do niạ menteye bhorakoa, “Bhoranko hoyokʼma Misorrenko, ińren hoṛkoge, Ạsurrenko do ińakʼ ti reakʼ kạmige; ar Israelrenko do ińakʼ ạidạrirenkoge”

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.