Jirimiạ 10:14 - সান্তালী বাইবেল

¹⁴ Sanam manwage bin ạkilan ar bebuj kanako; mimitʼ sonhar do akoren benao boṅga muṭhạn iạteko lajao ocokʼa. Uniren dul boṅga muṭhạnko doko ạuṛiyakʼgea, onkore do sahẽtʼge bạnukʼa.

Jirimiạ 10:14 Referans Kwoze

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Jesaea 44:11

Goṛhon muṭhạnre okoe jamaṛ akan menakʼko onko doko lajao ocokʼa; onkoren kạrigolko do manwa chaḍa ar cele hõko baṅkana. Onko sanamkoge mitʼ sãoteko teṅgokʼma; onko doko torasokʼa ar mitʼdomteko lajao ocokʼa.

Sereńko 14:2

Probhu Isor do serma khon latarte manwa secʼe beṅgetʼkeda, ar ńeljoṅe menana sạriyakʼ reakʼ ạkilte jãhãeko taṛameda se baṅa, ar Isorakʼ sana leka jãhãeko kạmikana se baṅa.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Sereńko 94:8

Orlo hoṛko, ape do luturakʼpe; E bebujko, ape do tispe ạkilokʼa?

Kạhtukko 30:2

Sạrige iń doń manwa kanrehõ ińakʼ bud do janwar leka; manwawakʼ oka bud menakʼ ińakʼ do ona hõ bạnukʼa.

Romiko lạgitʼ Pạul Apostolakʼ ciṭhi 1:25

Isorakʼ sạriyakʼtetʼ bạgikate eṛeakʼko ataṅ akawana. Sisirjạuicʼ bạgikate uniyakʼ sirjạuakʼko sewawakʼ kana, menkhan sanam mạhima do jaejug hạbicʼ uni sisirjạuicʼakʼ kangea. Amen.

Jirimiạ 10:5

Onkoren boṅgako do taher goḍare bitʼ akatʼ bhibhiṛkạu khunṭiko leka kanako, onko do katha bako roṛ daṛeakʼa; onko do gokʼ idiko hoyokʼa; ente bako taṛam daṛeakʼa. Alope botorakoa; onko do apeakʼ bako loksan daṛeakʼa, ar bhạlại hõ bako bhạlại daṛeapea.”

1 Samuel 5:4

Ona dosar hilokʼ hõ onko do ạḍi setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Uniyakʼ ti ar bohokʼ do rạputʼkate duạr ganaḍe cetanre ńur akana, ar hoṛmo do goṭage menakʼa.

Jesaea 57:12

Ńitokʼ do ińge dhoromiń sodortama; ar amakʼ kạmiko hõ; onako do cetʼ porhowanakʼge baṅ hoyokʼtama.