Jirimiạ 1:13 - সান্তালী বাইবেল

¹³ Probhu Isor do arhõe metadińạ, “Am do cetʼem ńeleda?” Iń doń menkeda, “Mitʼṭecʼ heḍejokʼkan ṭukucʼ, ona do utạr secʼ khon dũṛũjokʼkana.”

Jirimiạ 1:13 Referans Kwoze

Jeheskel 11:7

“Ona iạte Probhu Isor do ińe metadińạ, ‘sạrige noa nagraha do utu teakʼ celaṅ kana, menkhan okoeko hoṛ do nagraharepe gocʼ akatʼko onko kangeako jel do; ar onḍe khon iń doń laga oḍokpea.

Jeheskel 11:3

Onkoko meneda, ‘oṛakʼ duạr benao reakʼ okte do cetʼ baṅ hoyakana? Noa nagraha do utu reakʼ celaṅ kana ar abo do jel kanabon.’

Sakariạ 4:2

Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Genesis 41:32

Noa kukmũ do Maharaj bar dhaoe ńel ocoakana. Noa reakʼ mane do hoyokʼkana, Isor doe niṭ dohoakada ar hako pakoge ona doe hoeocoya.

Jirimiạ 24:3

Probhu Isor do ińe kulikedińa, “E Jirimiạ, cetʼ em ńeleda?” Iń doń roṛ ruạṛadea, “Loa jo; mońjakʼ do ạḍige mońj, menkhan bạṛicʼakʼ do nunạkʼge bạṛicʼ, one okoehõ ohoko jomdaṛele.”

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jeheskel 12:28

Onate onkom metakoa, Probhu Isore menetʼ kana, ‘ińakʼ jãhãn kathage purạukʼ do baṅ bilomokʼa; iń okań men ona doń hoeocoygea. Iń Probhu Isorge noa katha doń meneda.’ ”

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.